#Kanguva | பிறமொழிகளில் AI மூலம் சூர்யாவின் குரல்!

கங்குவா திரைப்படத்தின் பிறமொழி பதிப்பிற்கும் சூர்யாவின் குரல் ஏஐ மூலம் பயன்படுத்தப்பட்டுள்ளது.

பிரபல இயக்குநர் சிறுத்தை சிவா இயக்கத்தில் தமிழ் சினிமாவின் முன்னணி நடிகர் சூர்யா நடித்துள்ள திரைப்படம் ‘கங்குவா’. ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரித்துள்ள இந்த திரைப்படத்தில் திஷா பதானி, பாபி தியோல், யோகி பாபு, ரெடின் கிங்ஸ்லி உள்ளிட்ட பலர் நடித்துள்ளனர். இதையடுத்து, கங்குவா திரைப்படத்தை தேவி ஸ்ரீ பிரசாத் இசையமைத்துள்ளார். இந்தப் படம் 3டி முறையில் ஒரு சரித்திர படமாக உருவாகியுள்ளது.

‘கங்குவா’ திரைப்படம் 10 மொழிகளில் வெளியாக உள்ள நிலையில் படப்பிடிப்பு நிறைவடைந்தது. கங்குவா திரைப்படம் நவ. 14-ம் தேதி வெளியாகும் என அதிகாரபூர்வமாக ஸ்டுடியோ கிரீன் நிறுவனம் அறிவித்தது. எனவே, இறுதிகட்ட பணிகளை படக்குழு தீவிரமாக மேற்கொண்டுள்ளது. இதையடுத்து, இந்த திரைப்படம் 3டி முறையில் வெளியாக உள்ள நிலையில், 3டி பணிகளை படக்குழு தொடங்கியுள்ளது.

இந்நிலையில், இப்படத்தின் பிறமொழி டப்பிங்கிலும் சூர்யாவின் குரலே ஏஐ மூலம் பயன்படுத்தப்பட்டிருப்பதாக புதிய தகவல் வெளியாகியுள்ளது. வழக்கமாக, தமிழ் நடிகர்களின் படங்கள் பிறமொழிகளில் வெளியாகும்போது அம்மொழி தெரிந்த டப்பிங் கலைஞர்கள் குரல் கொடுப்பார்கள். தற்போது, ஏஐ தொழில்நுட்பத்தின் வளர்ச்சியால் ஒருவரின் குரலை அசலாக இன்னொரு மொழிக்கு டப்பிங் செய்ய முடிகிறது. இதனால், கங்குவா படக்குழு சூர்யாவின் குரலே மற்ற மொழிகளிலும் இருக்கட்டும் என முடிவு செய்து அதை சாத்தியப்படுத்தியுள்ளனர்.