சென்னையில் கோலாகலமாக நடைபெறும் 'கலாம் நம்பிக்கை விருதுகள்' வழங்கும் விழா!

சென்னையில் 8ம் ஆண்டு 'கலாம் நம்பிக்கை விருதுகள்' வழங்கும் விழா இன்று நடைபெறுகிறது.

'கலாம் நம்பிக்கை விருதுகள்' ஆண்டுதோறும் வழங்கப்பட்டு வருகிறது. அந்த வகையில், 8ம் ஆண்டு 'கலாம் நம்பிக்கை விருதுகள்' இன்று (நவ.10) வழங்கப்படுகிறது. இந்த விருது வழங்கும் நிகழ்ச்சியை ஜேடன் புரோடக்‌ஷன்ஸ் மற்றும் ஸ்டார் ஐகான் ஆஃப் இந்தியா இணைந்து நடத்தவுள்ளன. இந்நிகழ்ச்சி சென்னை ராஜா அண்ணாமலைபுரத்தில் அமைந்துள்ள முத்தழிப் பேரவையில் இன்று (நவ.10) மாலை 4 மணியளவில் நடைபெறவுள்ளது.

இதையும் படியுங்கள் : #ProKabaddiLeague |  தெலுங்கு டைட்டன்ஸ், பெங்கால் வாரியர்ஸ் அணிகள் வெற்றி!

இந்த நிகழ்ச்சியில் பாமக பொருளாளரும் கவிஞருமான திலகபாமா, வருமான வரித்துறை ஆணையர் நந்தகுமார், டிசம்பர் 3 இயக்க தலைவர் T.M.N தீபக், பாஜக மாநில செயலாளர் எஸ்.ஜி.சூர்யா, உலக அழகி டாக்டர் பிளாரன்ஸ் ஹெலன் நளினி, திரைப்பிரபலங்கள் தாடி பாலாஜி, எதிர்நீச்சல் காயத்ரி, கவிஞர் ஜெயபாலன் உள்ளிட்டோர் சிறப்பு விருந்தினர்களாக கலந்து கொள்கின்றனர்.