தங்கம் வாங்க இன்று சரியான நேரமா? விலை நிலவரம் இதோ!

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. அந்த வகையில், கடந்த சில தினங்களுக்கு முன்பு விலை அதிரடியாக குறைந்த நிலையில் தங்கம் ஒரு சவரன் ரூ.65,800-க்கும் விற்பனை செய்யப்பட்ட நிலையில் படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது.

இதனையடுத்து, தங்கம் விலை தொடர்ந்து ஏற்ற இறக்கத்தை சந்தித்து வந்தது. அந்த வகையில், தங்கம் விலை நேற்று முன்தினம் (மே1) கிராமுக்கு ரூ.205 குறைந்து ரூ.8,775க்கும், சவரனுக்கு ரூ.1,640 குறைந்து ரூ.70,200க்கும் விற்பனை செய்யப்பட்டது.

தொடர்ந்து, நேற்று (மே 2) கிராமுக்கு ரூ.20 குறைந்து ரூ.8,755-க்கும் சவரனுக்கு ரூ.160 குறைந்து ரூ.70,040-க்கு விற்பனையானது. இந்த நிலையில்,  சென்னையில் ஆபரணத் தங்கத்தின் விலை இன்று (மே 3) விலைமாற்றமின்றி நேற்றைய விலைக்கே விற்பனையாகிறது. அதன்படி, தங்கம் ஒரு கிராம் ரூ.8,755-க்கும், ஒரு சவரன் ரூ.70,040-க்கும் விற்பனை செய்யப்படுகிறது.