#Vaadivaasal படத்தின் கதாநாயகி இவரா?

சூர்யா நடிப்பில் உருவாகவுள்ள 'வாடிவாசல்' படத்தின் கதாநாயகி குறித்த தகவல் வெளியாகியுள்ளது. 

தமிழ் சினிமாவின் முன்னணி நடிகர்களில் ஒருவராக வலம் வருபவர் சூர்யா. இவர் கார்த்திக் சுப்புராஜ் இயக்கத்தில் 'ரெட்ரோ' படத்தில் நடித்து முடித்துள்ளார். இப்படம் மே 1ம் தேதி வெளியாகி உள்ளது. சூர்யா தற்போது ஆர்.ஜே.பாலாஜி இயக்கும் 'சூர்யா 45' படத்தில் நடித்து வருகிறார். இந்த படத்தில் சூர்யா வழக்கறிஞராக நடித்து வருவதாக கூறப்படுகிறது.

இதற்கிடையே, இயக்குனர் வெற்றிமாறன் நடிகர் சூர்யாவை வைத்து 'வாடிவாசல்' என்ற படத்தை இயக்க திட்டமிட்டிருந்தார். அதற்கான அதிகாரபூர்வ அறிவிப்பு வெளியாகி படத்தின் மீதான எதிர்பார்ப்பை அதிகப்படுத்தியது. இப்படத்திற்கு ஜி.வி.பிரகாஷ் இசையமைக்க உளளார். இப்படத்தின் படப்பிடிப்பு பணிகள் தொடங்காமல் தாமதமாகி கொண்ட போகின்றன. 'சூர்யா 45' படப்பிடிப்பு பணிகள் நிறைவடைந்த பின்னர் சூர்யா 'வாடிவாசல்' படத்தில் நடிப்பார் என்று கூறப்படுகிறது.

அதன்படி, வாடிவாசல் திரைப்படத்தின் பணிகள் பிப்ரவரி மாதம் சென்னையில் துவங்க உள்ளதாக தகவல் வெளியானது. வெற்றிமாறன் இப்படத்தை மூன்று பாகங்களாக இயக்க திட்டமிட்டுள்ளதாகவும் சொல்லப்படுகிறது.இந்த நிலையில் இப்படத்தின் கதாநாயகி குறித்த தகவல் வெளியாகி உள்ளது.

அதன்படி, இப்படத்தில் ஐஸ்வர்யா லட்சுமி ஹீரோயினாக நடிக்க உள்ளதாக கூறப்படுகிறது. இது தொடர்பான அதிகாரபூர்வமான அறிவிப்பு விரைவில் வெளியாகும் என எதிர்பார்க்கப்படுகிறது. ஐஸ்வர்யா லட்சுமி தமிழில் 'பொன்னியின் செல்வன், கட்டா குஸ்தி, ஆக்சன், கேப்டன்' போன்ற படங்களில் நடித்து பிரபலமானவர் என்பது குறிப்பிடத்தக்கது.