மும்பை சித்திவிநாயகர் கோயில் நிலத்தை வக்பு வாரியம் உரிமை கொண்டாடுகிறதா? உண்மை என்ன?

This news Fact Checked by ‘Newsmeter’

மும்பை சித்திவிநாயகர் கோயில் நிலத்தை வக்பு வாரியம் உரிமை கொண்டாடுகிறது என பதிவு ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.

மும்பை சித்திவிநாயகர் கோயில் அமைந்துள்ள நிலத்திற்கு வக்பு வாரியம் உரிமை கோரியுள்ளதாக சமூக ஊடகங்களில் (இங்கே, இங்கே, மற்றும் இங்கே) ஒரு பதிவு வைரலாகி வருகிறது. இந்த பதிவு 2024 மகாராஷ்டிரா சட்டமன்றத் தேர்தலின் பின்னணியில் பகிரப்படுகிறது.

இதுகுறித்த உண்மையை சரிபார்க்க, முக்கிய வார்த்தைகளைப் பயன்படுத்தி இணையத்தில் தேடப்பட்டது. ஆனால் உரிமைகோரலை ஆதரிக்கும் அதிகாரப்பூர்வ அறிவிப்பு அல்லது நம்பகமான செய்தி அறிக்கைகள் எதுவும் கிடைக்கவில்லை. இது போன்ற ஒரு பெரிய வளர்ச்சி அனைத்து முக்கிய ஊடகங்களால் அறிவிக்கப்படும். ஆனால் அத்தகைய அறிக்கைகள் எதுவும் காணப்படவில்லை.

18 நவம்பர் 2024 தேதியிட்ட ட்விட்டர் (எக்ஸ்) பதிவில் (காப்பக இணைப்பு) ஒரு வீடியோவை, சித்திவிநாயகர் கோயிலின் பொருளாளர் பவன் குமார் திரிபாதி இடம்பெறும் வகையில், கூகுள் முக்கிய வார்த்தை தேடலில் கிடைத்தது. அந்த வீடியோவில், எந்த வாரியமும் கோயிலுக்கு உரிமை கோர முடியாது என்றும், அது இந்துக்களுக்கு சொந்தமானது என்றும், அவர்களின் உரிமையில் கோயில் இருக்கும் என்றும் அவர் கூறியுள்ளார்.

பவன்குமார் திரிபாதியை தொடர்பு கொண்டு இதுகுறித்து கேட்கப்பட்டது. அப்போது அவர் சமூக ஊடகங்களில் பரவும் கூற்று போலியானது என்றும், தங்களுக்கு அதிகாரப்பூர்வ அறிவிப்பு எதுவும் வரவில்லை என்றும் அவர் உறுதிப்படுத்தினார். கோயிலின் செயல் அதிகாரி வீணா பாட்டீலிடமும் இதுகுறித்து கேட்கப்பட்டது. அவர் பவன் குமார் திரிபாதியின் வீடியோவைப் பகிர்ந்தார் மற்றும் வைரலாகும் பதிவு தவறானது என்று நிராகரித்தார். 

வைரலான பதிவுகளில், மராத்தி நாளிதழான சகலின் லோகோ மற்றும் அவர்களின் சமூக ஊடக பக்கத்தில் உள்ள லோகோ சரிபார்க்கப்பட்டது. மேலும், இன்ஸ்டாகிராமில் (காப்பக இணைப்பு) ஒரு பதிவும் கவனம் பெற்றது. அதில் அவர்கள் தங்களுக்குக் கூறப்பட்ட கிராபிக்ஸ் போலியானது என்றும், சித்திவிநாயகர் கோயிலுக்கு உரிமை கோருவது குறித்து வக்ஃப் வாரியம் எந்த அறிக்கையும் வெளியிடவில்லை என்றும் தெளிவுபடுத்தியிருந்தனர்.

மற்றொரு வைரல் பதிவின் படத்தில் Kreately.in, KreatelyMedia இன் வாட்டர்மார்க் இடம் பெற்றிருந்தது. சமூக ஊடக பக்கத்தில் தேடியபோது, ​​இந்தப் பக்கங்கள் பெரும்பாலும் ஆதாரமற்ற கூற்றுக்களை வெளியிடுவது கண்டறியப்பட்டது. கேட்வே ஆஃப் இந்தியா, தாஜ் ஹோட்டல் மற்றும் புனே முனிசிபல் கார்ப்பரேஷன் நிலத்தின் மீது வக்ஃப் வாரியம் உரிமை கோரியது என்று கூறி, ஆதாரமற்ற மூன்று கிராபிக்ஸ்களையும் கிரேட்லி பக்கத்தில் வெளியிடப்பட்டுள்ளது. இந்த கிராபிக்ஸ் எந்த ஆதாரங்களையும் மேற்கோள் காட்டவில்லை அல்லது அவை நையாண்டித்தனமானவை என்பதைக் குறிக்கவில்லை.

இந்த உரிமைகோரல்களை சரிபார்த்ததில், 19 நவம்பர் 2024 அன்று சிவசேனா உத்தவ் பாலாசாஹேப் தாக்கரே (UBT) வெளியிட்ட ஒரு பதிவு (காப்பக இணைப்பு) கண்டறியப்பட்டது. இது வைரல் உரிமைகோரல்கள் போலியானது என்பதை தெளிவுபடுத்தியது. பதிவில் கிரேட்லியின் கிராஃபிக் ஒன்றும் சேர்க்கப்பட்டுள்ளது. போலிச் செய்திகள் குறித்து எச்சரிக்கையாக இருக்குமாறு அந்த பதிவில் மக்களை வலியுறுத்தியுள்ளது.

முடிவு:

சுருக்கமாக, மும்பை சித்திவிநாயகர் கோயில் நிலத்தை வக்பு வாரியம் உரிமை கொண்டாடுகிறது என்ற வைரலான பதிவு போலியானது.

Note : This story was originally published by ‘Newsmeter’ and Translated by ‘News7 Tamil’ as part of the Shakti Collective.