ஏரோ இந்தியா ஷோவில் போர் விமானம் சாகசம் என வைரலாகும் காணொலி உண்மையா? - பின்னணி என்ன?

This News Fact Checked by ‘Vishvas News’

பெங்களூருவின் யெலகங்காவில் பிப்ரவரி 10ம் தேதி முதல் 14ம் தேதி வரை ஏரோ இந்தியா ஷோ ஏற்பாடு செய்யப்பட்டது. ஒரு போர் விமானம் அற்புதமான சாகசங்களை நிகழ்த்துவதாகக் கூறும் ஒரு வீடியோ சமூக ஊடகங்களில் வைரலாகி வருகிறது, இது நிகழ்வின் போது படமாக்கப்பட்டது என்ற கூற்றும் வைரலாகி வரும் வீடியோவோடு இணைத்து பகிரப்படுகிறது. பல சமூக ஊடக பயனர்கள் இந்த வீடியோவை ஏரோ இந்தியா ஷோவிலிருந்து வந்ததாக நம்பி பகிர்ந்துள்ளனர்.

இருப்பினும், விஸ்வாஸ் நியூஸின் விசாரணையில் இந்தப் பதிவு போலியானது என்று கண்டறியப்பட்டது. இந்த காணொலி மார்ச் 2024 முதல் இணையத்தில் உள்ளது. பிப்ரவரியில் நடைபெற்ற ஏரோ இந்தியா நிகழ்ச்சிக்கு நீண்ட காலத்திற்கு முன்பே, மார்ச் 23, 2024 அன்று ஒரு மொராக்கோ யூடியூப் சேனல் இதை முதன்முதலில் பதிவேற்றியது. இந்தக் காலவரிசைப்படி பார்த்தால் இந்த காணொலி ஏரோ இந்தியா நிகழ்ச்சியிலிருந்து வந்திருக்க முடியாது.  

'rock_on_travells' ( காப்பக இணைப்பு ) என்ற இன்ஸ்டாகிராம் பயனர், பிப்ரவரி 13, 2025 அன்று பெங்களூருவின் யெலஹங்காவில் நடைபெற்ற ஏரோ இந்தியா ஷோவிலிருந்து எடுக்கப்பட்டதாகக் கூறி இந்தக் காணொலியை வெளியிட்டார்.

உண்மை சரிபார்ப்பு : 

வைரலான காணொலியின் உண்மைத் தன்மையை அறிய விஸ்வாஸ் நியூஸ் ஆய்வுக்கு உட்படுத்தியது. காணொலியை உன்னிப்பாக ஆராய்ந்ததில், அதில் காணப்பட்ட விமானம் உண்மையானது அல்ல என்பது தெளிவாகத் தெரிந்தது. 'யூரோ ஸ்போர்ட் 30' என்ற வார்த்தைகள் விமானத்தில் எழுதப்பட்டிருந்தன. இதை ஒரு துப்பாக கருதி, கூகுள் தேடல் கருவி மூலம் நாங்கள் தேடினோம். CARF-Models என்ற நிறுவனம் இதுபோன்ற மாதிரி விமானங்களைத் தயாரிப்பதாக எங்கள் தேடலின் முடிவில் கண்டறிந்தோம். அவர்களின் வலைத்தளத்தில் ரிமோட்டின் உதவியுடன் இயக்க வடிவமைக்கப்பட்ட பல ஒத்த விமானங்கள் உள்ளன.

விஸ்வாஸ் நியூஸ், யாண்டெக்ஸ் மற்றும் கூகிள் லென்ஸ் கருவிகளைப் பயன்படுத்தி பல்வேறு கோணங்களில் வைரல் காணொலியின் பல முக்கிய பிரேம்களை பகுப்பாய்வு செய்து விசாரணையை மேலும் மேம்படுத்தியது. மார்ச் 23, 2024 அன்று பதிவேற்றப்பட்ட 'காலித் ஃபஹ்மி' என்கிற சேனலில் குறும்படமாக அசல் காணொலியைக் கண்டறிந்தோம். இந்த சேனல் மொராக்கோவை தளமாகக் கொண்டது.

ஏரோ இந்தியா ஷோ 2025 இன் விரிவான ஒளிபரப்பு, வலைத்தளங்கள், யூடியூப் சேனல்கள் மற்றும் ஊடக நிறுவனங்களின் சமூக ஊடக தளங்கள் உட்பட பல தளங்களில் கிடைக்கிறது. குறிப்பாக, தூர்தர்ஷன் நேஷனல் நிகழ்வின் ஒளிபரப்பை யூடியூப்பில் பகிர்ந்துள்ளது.

விசாரணையை முடித்த பின்னர் விஸ்வாஸ் நியூஸ் பாதுகாப்புத்துறை பத்திரிகையாளர் அனீஷ் சிங்கைத் தொடர்பு கொண்டு, வைரலான காணொலியை பகிர்ந்து கேட்டபோது அந்த காணொலி போலியானது என்பதை அவர் உறுதிப்படுத்தினார்.

முடிவு:

போர் விமானம் ஒன்று அற்புதமான சாகசங்களை நிகழ்த்தும் வீடியோ ஒன்று வைரலாகி இது  ஏரோ இந்தியா ஷோவிலிருந்து எடுக்கப்பட்டதாக தெரிவிக்கப்பட்டது. விஸ்வாஸ் நியூஸ் விசாரித்து, ஏரோ இந்தியா ஷோ 2025 இல் இருந்து வந்ததாகக் கூறும் வைரல் பதிவு போலியானது என்பதைக் கண்டறிந்தது. இந்த வீடியோ மார்ச் 2024 முதல் ஆன்லைனில் கிடைக்கிறது, அதே நேரத்தில் ஏரோ இந்தியா ஷோ பிப்ரவரி 2025 இல் நடைபெற்றது. 

Note : This story was originally published by ‘Vishvas News’ and Translated by ‘News7 Tamil’ as part of the Shakti Collective.