‘மகா கும்பமேளாவில் ஏற்பட்ட விபத்து’ என வைரலாகும் பதிவு உண்மையா?
This News Fact Checked by ‘Boom’
2025ம் ஆண்டு பிரயாக்ராஜ் மகா கும்பமேளாவின் போது மௌனி அமாவாசை அன்று ஏற்பட்ட கூட்ட நெரிசலுடன் தொடர்புடைய நெடுஞ்சாலையில் நடந்த விபத்து எனக்கூறி காணொளி ஒன்று சமூக ஊடகங்களில் வைரலாகி வருகிறது.
இதுகுறித்த விசாரணையில், அந்த காணொளி பாகிஸ்தானின் கைபர் பக்துன்க்வா மாகாணத்தைச் சேர்ந்தது என கண்டறியப்பட்டுள்ளது. ஜனவரி 11, 2025 அன்று, கைபர் பக்துன்க்வாவின் கரக் மாவட்டத்தில் உள்ள சிந்து நெடுஞ்சாலையில் அம்பிரி கல்லா சௌக் அருகே ஒரு பயங்கரமான சாலை விபத்து நடந்தது.
வைரல் காணொளி, “மகா கும்பமேளாவில் ஏற்பட்ட கூட்ட நெரிசலைப் பாருங்கள்” என பகிரப்படுகிறது. பல சமூக ஊடக பயனர்கள் இந்த காணொளியை இதே கூற்றுடன் பகிர்ந்துள்ளனர்.
உண்மைச் சரிபார்ப்பு:
இந்தக் கூற்றைச் சரிபார்க்க, கூகுள் லென்ஸைப் பயன்படுத்தி வைரல் காணொளியைத் தேடியதில், ஜனவரி 2025 இல் பல பாகிஸ்தானிய சமூக ஊடக பயனர்களால் பகிரப்பட்ட அதே காணொளி கிடைத்தது.
இந்தப் பயனர்கள் (இங்கே, இங்கே, இங்கே மற்றும் இங்கே தங்கள் பதிவுகளில், இந்த காணொளி கரக்கில் உள்ள அம்பிரி கல்லா சௌக்கில் நடந்த ஒரு சாலை விபத்து பற்றியது என்று பதிவிட்டுள்ளனர். இந்தப் பதிவுகள் ஜனவரி 10 முதல் 12 வரை உருது தலைப்புகளுடன் பகிரப்பட்டன. பல பயனர்கள் இந்த காணொளியின் பிரதிபலிப்பு பதிப்புகளைப் பகிர்ந்துள்ளனர்.
இதுகுறித்து கூகுளில் தேடியபோது, அம்பிரி கல்லா சௌக் என்பது பாகிஸ்தானின் கைபர் பக்துன்க்வா மாகாணத்தின் கரக் மாவட்டத்தில் அமைந்துள்ள ஒரு முக்கிய இடம் என்பது தெரியவந்தது. இது சிந்து நெடுஞ்சாலையில் அமைந்துள்ளது.
இதிலிருந்து ஒரு குறிப்பை எடுத்துக்கொண்டு, உருது மொழியில் தொடர்புடைய முக்கிய வார்த்தைகளைப் பயன்படுத்தி கூகுளில் தேடும்போது, பல ஊடகங்களில் (ட்ரிப்யூன், தி நியூஸ், அல் அரேபியா மற்றும் ஜியோ டிவி) இந்தச் சம்பவம் குறித்த செய்தி அறிக்கைகள் வெளியிட்டிருந்தன.
ஊடக அறிக்கைகளின்படி, கைபர் பக்துன்க்வாவின் கரக் மாவட்டம் சிந்து நெடுஞ்சாலையில் உள்ள அம்பிரி கல்லா சௌக் அருகே ஜனவரி 11, 2025 அன்று ஒரு பயங்கரமான சாலை விபத்து நடந்தது. இந்த விபத்தில் குறைந்தது 12 பேர் இறந்தனர் மற்றும் 20க்கும் மேற்பட்டோர் காயமடைந்தனர்.
22 சக்கர கனரக வாகனத்தின் பிரேக்குகள் செயலிழந்து, அது கட்டுப்பாட்டை இழந்து ஒரு பயணிகள் பேருந்து மற்றும் பல வாகனங்கள் மீது மோதியதாக தகவல்கள் தெரிவிக்கின்றன.
வைரல் காணொளியின் சில காட்சிகள் சம்பவத்தின் சில காணொளி அறிக்கைகளிலும் (மஷ்ரிக் டிவி மற்றும் ஈடிவி 247 உர்டு) காணப்படுகின்றன.
பிரயாக்ராஜ் மகா கும்பமேளா தொடர்பாக இந்த காணொளி பகிரப்பட்டபோது, உ.பி. காவல்துறை அதன் ட்விட்டர் பக்கத்தில், வதந்திகளைப் பரப்புபவர்கள் மீது கும்பமேளா காவல்துறையால் எஃப்.ஐ.ஆர் பதிவு செய்து சட்ட நடவடிக்கை எடுக்கப்படும் என்று பதிவிட்டிருந்தது.
Note : This story was originally published by ‘Boom’ and Translated by ‘News7 Tamil’ as part of the Shakti Collective.