‘உணவு விநியோகிக்கும் பெண் முகவருக்கு நேர்ந்த பாலியல் வன்கொடுமை’ என வைரலாகும் பதிவு உண்மையா?
This News Fact Checked by ‘Newsmeter’
உணவு விநியோக முகவர் ஒருவர் பாலியல் வன்கொடுமைக்கு ஆளானதாகக் கூறப்படும் ஒரு காணொளி சமூக ஊடகங்களில் வைரலாகி வருகிறது. 2 ஆண்கள் அவரை ஒரு அறைக்குள் இழுத்துச் சென்று, சிறிது நேரத்திற்குப் பிறகு, வெளியேற்றுவது போலவும், தொடர்ந்து அவருக்கு இரத்தப்போக்கு ஏற்படுவது போன்ற துயரமான காட்சிகள் அந்த வீடியோவில் இடம்பெற்றுள்ளன. இந்த சம்பவம் உண்மையானது என்று கூறி காணொளி பகிரப்படுகிறது.
ஒரு ட்விட்டர் (எக்ஸ்) பயனர் இந்த வீடியோவைப் பகிர்ந்து, "இந்த மிருகங்களைப் பாருங்கள், அவர்கள் மிருகங்களாக மாறிவிட்டார்கள். இந்த நாய்களுக்கு எவ்வளவு தண்டனை வழங்கப்பட வேண்டும். அதைப் பார்க்கும் எவரும் மீண்டும் இதுபோன்ற செயலைச் செய்யத் துணிய மாட்டார்கள்..!!" என பதிவிட்டுள்ளார். (இந்தியிலிருந்து மொழிபெயர்க்கப்பட்டது)
உண்மைச் சரிபார்ப்பு:
இந்தக் காணொளி திட்டமிடப்பட்டு எடுக்கப்பட்டது என்பதால், இந்தக் கூற்று தவறானது என்று கண்டறியப்பட்டுள்ளது.
ஒரு தலைகீழ் படத் தேடலில் , ஜனவரி 2, 2025 அன்று 'இது எதிர்பாராதது..! டெலிவரி நபர் தவறான முகவரிக்குச் சென்றபோது என்ன நடந்தது என்பதைப் பாருங்கள்' என்ற தலைப்பில், YouTube சேனலான 3rd Eye வெளியிட்ட வீடியோவின் நீட்டிக்கப்பட்ட பதிப்பு கிடைத்தது.
இருப்பினும், விளக்கத்தில் உள்ள மறுப்பு, வீடியோ ஸ்கிரிப்ட் செய்யப்பட்டது என்பதை தெளிவுபடுத்தியது. அதில், “பார்த்ததற்கு நன்றி! இந்தப் பக்கத்தில் ஸ்கிரிப்ட் செய்யப்பட்ட நாடகங்கள், பகடிகள் மற்றும் விழிப்புணர்வு வீடியோக்கள் உள்ளன என்பதை நினைவில் கொள்ளவும். இந்த குறும்படங்கள் பொழுதுபோக்கு மற்றும் கல்வி நோக்கங்களுக்காக மட்டுமே உருவாக்கப்பட்டவை. வீடியோக்களில் சித்தரிக்கப்பட்டுள்ள அனைத்து கதாபாத்திரங்களும், சூழ்நிலைகளும் கற்பனையானவை மற்றும் விழிப்புணர்வை ஏற்படுத்தவும், மகிழ்விக்கவும், கல்வி கற்பிக்கவும் நோக்கமாகக் கொண்டவை” என குறிப்பிடப்பட்டிருந்தது.
சேனலின் அறிமுகம் பிரிவில், வேடிக்கையான, சீரியஸ், அதிரடி, நாடகம், நகைச்சுவை மற்றும் தகவல் தரும் வீடியோக்களை தினமும் வெளியிடுவதாகக் குறிப்பிடப்பட்டுள்ளது.
மேலும், சேனலை மதிப்பாய்வு செய்ததில், பெண்கள் தொடர்பான பல வீடியோக்கள் (இங்கே, இங்கே மற்றும் இங்கே) கிடைத்தன. அதில் இந்த வீடியோ விழிப்புணர்வு நோக்கங்களுக்காக ஸ்கிரிப்ட் செய்யப்பட்டது என்று கூறும் மறுப்புகள் உள்ளன.
எனவே, உணவு விநியோக முகவர் மீதான தாக்குதலின் வைரல் காணொளி ஸ்கிரிப்ட் செய்யப்பட்டது என முடிவு செய்யப்படுகிறது. இந்தக் கூற்று தவறானது.
Note : This story was originally published by ‘Newsmeter’ and Translated by ‘News7 Tamil’ as part of the Shakti Collective.