#IPL2025 | ஐபிஎல் மெகா ஏலம் எப்போது ? வெளியான தகவல்!

2025 ஐபிஎல் தொடர் மெகா ஏலம் நடைபெறும் தேதி குறித்த தகவல் வெளளியாகி உள்ளது.

10 அணிகள் பங்கேற்கும் ஐபிஎல் 2025 தொடர் அடுத்த ஆண்டு மார்ச் மாதம் நடைபெற உள்ளது. இந்த தொடரில் ஒவ்வொரு அணியும் 6 வீரர்களை தக்க வைத்துக்கொள்ள அனுமதி அளிக்கப்பட்டது. அணியில் தக்கவைக்கும் வீரர்களின் பட்டியல் சமீபத்தில் வெளியிடப்பட்டது. அதன்படி, சென்னை சூப்பர் கிங்ஸ், கொல்கத்தா நைட் ரைடர்ஸ், மும்பை இந்தியன்ஸ், லக்னோ சூப்பர் ஜெயண்ட்ஸ், சன்ரைசர்ஸ் ஹைதராபாத், குஜராத் டைட்டன்ஸ் ஆகிய அணிகள் 5 வீரர்களை தக்க வைத்துள்ளது. மேலும், பஞ்சாப் 2, ஆர்சிபி 3, டெல்லி 4, ராஜஸ்தான் ராயல்ஸ் 6 என வீரர்களை தக்க வைத்துள்ளது.

இதையும் படியுங்கள் : #AirForce | வயலில் விழுந்து நொறுங்கிய போர் விமானம்… பைலட் நிலை என்ன?

அதிகபட்சமாக பஞ்சாப் அணியிடம் ரூ.110.5 கோடியும், குறைந்த பட்சமாக ராஜஸ்தான் அணியிடம் ரூ.41 கோடியும் மீதம் உள்ளது. அதேபோல், சென்னையிடம் ரூ.55 கோடியும், மும்பையிடம் ரூ.45 கோடியும், லக்னோவிடம் ரூ.69 கோடியும், ஹைதராபாத்திடம் ரூ.45 கோடியும், குஜராத்திடம் ரூ.69 கோடியும், கொல்கத்தாவிடம் ரூ.51 கோடியும், பெங்களூருவிடம் ரூ.83 கோடியும், டெல்லியிடம் ரூ.73 கோடியும் உள்ளது. இந்த நிலையில் ஐபிஎல் 2025-ன் மெகா ஏலம் நவம்பர் 24 மற்றும் 25 ஆகிய தேதிகளில் சவுதி அரேபியாவின் ரியாத்தில் நடைபெற உள்ளதாக தகவல் வெளியாகியுள்ளது.