IPL2025 | "தலைவரு நிரந்தரம்"… சிஎஸ்கே அணியில் மீண்டும் #Dhoni - தக்கவைக்கப்பட்ட மற்ற வீரர்கள் யார்?

2025 ஐபிஎல் கிரிக்கெட் தொடரில் தக்க வைத்துள்ள வீரர்கள் குறித்த விபரங்களை சென்னை அணி வெளியிட்டுள்ளது.

10 அணிகள் பங்கேற்கும் ஐபிஎல் 2025 தொடர் அடுத்த ஆண்டு ஏப்ரல், மே மாதங்களில் நடைபெற உள்ளது. இந்த சீசனுக்கான மெகா ஏலம் வரும் டிசம்பர் மாதம் நடைபெறவுள்ளது. இந்த தொடரில் ஒவ்வொரு அணியும் 5 வீரர்களை தக்க வைத்துக்கொள்ள அனுமதி அளிக்கப்பட்டது. தக்கவைக்கப்படும் வீரர்களின் பட்டியலை அக்டோபர் 31ஆம் (இன்று) தேதிக்குள் அறிவிக்க வேண்டும் என தெரிவிக்கப்பட்டிருந்து. இதனையடுத்து ஒவ்வொரு அணியும் தக்கவைத்துள்ள வீரர்களின் பட்டியலை வெளியிட்டு வருகிறது.

இந்த நிலையில், சென்னை அணி தக்க வைத்துள்ள வீரர்களின் பட்டியலை இசையமைப்பாளர் அனிருத்தின் இசையுடன் வெளியிட்டுள்ளது. அதன்படி, தோனி, ருதுராஜ் கெய்க்வாட், ஜடேஜா, ஷிவம் துபே, பதிரனா ஆகியோர் சென்னை சூப்பர் கிங்ஸ் அணியில் தக்க வைக்கப்பட்டுள்ளனர். கேப்டன் ருதுராஜ் கெய்க்வாட் மற்றும் ஜடேஜா தலா ரூ.18 கோடிக்கும், மதீஷா பதிரனா ரூ.13 கோடிக்கும், ஷிவம் துபே ரூ.12 கோடிக்கும், தோனி ரூ.4 கோடிக்கும் தக்கவைக்கப்பட்டுள்ளனர். தோனியை Uncapped பிளேயராக சென்னை அணி நிர்வாகம் தக்கவைத்துள்ளது. இதன்மூலம் தோனி இந்த ஆண்டும் ஐபிஎல்லில் விளையாடுவது உறுதியானது.