#INDvsSA | கடைசி டி20 போட்டி... இந்தியா - தென் ஆப்பிரிக்கா இன்று மோதல்!

இந்தியா - தென் ஆப்பிரிக்கா அணிகளுக்கு இடையிலான 4வது மற்றும் கடைசி டி20 போட்டி இன்று நடைபெறுகிறது.

தென் ஆப்பிரிக்காவில் சுற்றுப்பயணம் மேற்கொண்டுள்ள சூர்யகுமார் யாதவ் தலைமையிலான இந்திய கிரிக்கெட் அணி 4 போட்டிகள் கொண்ட டி20 தொடரில் விளையாடி வருகிறது. இதில் முதலாவது மற்றும் 3வது போட்டியில் இந்திய அணியும், 2வது போட்டியில் தென்ஆப்பிரிக்க அணியும் வெற்றி பெற்றன. இதன்மூலம், தொடரில் 2-1 என்ற கணக்கில் இந்தியா முன்னிலை வகிக்கிறது.

இந்த நிலையில் இவ்விரு அணிகளுக்கு இடையிலான 4வது மற்றும் கடைசி டி20 போட்டி ஜோகன்னஸ்பர்க்கில் உள்ள வான்ரர்ஸ் ஸ்டேடியத்தில் இன்று (நவ.15) நடைபெறுகிறது. இதற்காக இரு அணி வீரர்களும் தீவிர பயிற்சியில் ஈடுபட்டுள்ளன. இந்த போட்டி இந்திய நேரப்படி இரவு 8.30 மணிக்கு தொடங்குகிறது. இந்த போட்டியில் வெற்றிப்பெற போவது யார்? என்று ரசிகர்கள் ஆவலுடன் எதிர்பார்த்து வருகின்றனர்.

அணிகளின் விவரம் :-

இந்தியா: சஞ்சு சாம்சன், அபிஷேக் ஷர்மா, சூர்யகுமார் யாதவ் (கேப்டன்), திலக் வர்மா, ஹர்திக் பாண்ட்யா, ரிங்கு சிங், ரமன்தீப்சிங், அக்ஷர் பட்டேல், அர்ஷ்தீப்சிங், வருண் சக்ரவர்த்தி, ரவி பிஷ்னோய்.

தென்ஆப்பிரிக்கா: ரையான் ரிக்கெல்டன், ரீஜா ஹென்ரிக்ஸ், மார்க்ரம் (கேப்டன்), டிரிஸ்டான் ஸ்டப்ஸ், ஹென்ரிச் கிளாசென், டேவிட் மில்லர், மார்கோ யான்சென், ஜெரால்டு கோட்ஜீ அல்லது இன்கபா பீட்டர், அன்டில் சிம்லேன், கேஷவ் மகராஜ், லுதோ சிபம்லா.