‘நீலோற்பம் நீரில் இல்லை’ பாடலின் ப்ரோமோவை வெளியிட்ட “இந்தியன் 2” படக்குழு!
இந்தியன் 2 படத்தின் இரண்டாவது பாடல் நாளை (மே 29) வெளியாகவுள்ள நிலையில், தற்போது இப்பாடலின் ப்ரோமோ வெளியாகியுள்ளது.
ஷங்கர் இயக்கத்தில் கமல்ஹாசன் நடிப்பில் வெளிவந்த மிகப்பெரிய வெற்றி திரைப்படம் “இந்தியன்”. இந்த திரைப்படத்தின் இரண்டாம் பாகம் தற்போது உருவாகி வருகிறது. இதில் சமுத்திரகனி, பாபி சிம்ஹா, காஜல் அகர்வால், சித்தார்த், ரகுல் ப்ரீத் சிங், ப்ரியா பவானி சங்கர் உள்ளிட்ட பலரும் முக்கிய கதாபாத்திரத்தில் நடித்துள்ளனர். படத்தின் இறுதிக்கட்ட பணிகள் விறுவிறுப்பாக நடைபெற்று வருகிறது.
படத்தின் மீதான எதிர்பார்ப்பை அதிகரிக்கும் விதமாக நாளுக்கு நாள் ஒரு அப்டேட் வெளியாகி கொண்டிருக்கிறது. இப்படத்தின் இரண்டாவது பாடல் வரும் 29-ம் தேதி வெளியாகும் என படக்குழு தெரிவித்திருந்தது. இந்நிலையில் இரண்டாவது பாடலான ‘நீலோற்பலம்’ பாடலின் ப்ரோமோ வெளியாகியுள்ளது. இதன் முழு பாடல் நாளை காலை 11 மணியளவில் வெளியாகும் என படக்குழு அறிவித்துள்ளது.