முதல் டி20 போட்டி : இந்தியா - தென்னாப்பிரிக்கா அணிகள் இன்று மோதல்..!

இந்தியா - தென்னாப்பிரிக்கா அணிகளுக்கு இடையேயான டி20 தொடரின் முதல் போட்டி இன்று நடைபெற உள்ளது.

இந்தியா - தென்னாப்பிரிக்கா அணிகளுக்கு இடையேயான டி20 தொடரின் முதல் ஆட்டம் இன்று (டிச.10) நடைபெற உள்ளது. தென்னாப்பிரிக்காவின் டர்பன் நகரின் நடைபெறும் இப்போட்டி இரவு 7.30 மணிக்கு தொடங்குகிறது.

இந்த தொடரில் இளம் வீரர்கள் அடங்கிய இந்திய அணி, தென்னாப்பிரிக்காவை எதிர்கொள்கிறது. சமீபத்தில் ஆஸ்திரேலியாவுக்கு எதிரான டி20 தொடரை வென்ற நம்பிக்கையுடன் இந்தத் தொடரில் இந்தியா களம் காண்கிறது.

பேட்டிங்கை பொறுத்தவரை யாஷஸ்வி ஜெய்ஸ்வால், ருதுராஜ் கெய்க்வாட், ஷுப்மன் கில், உள்ளிட்ட வீரர்கள் அதிரடி ஆட்டத்தை வெளிப்படுத்துவார்கள் என எதிர்பார்க்கப்படுகிறது அதேபோல் ரவீந்திர ஜடேஜா, ரவி பிஷ்னோய், தீபக் சாஹர், அர்ஷ்தீப் சிங், முகேஷ் குமார் ஆகியோர் அபாரமாக பந்துவீசி எதிரணி வீரர்களை கலங்கடிக்கச் செய்வார்கள் என்று ரசிகர்கள் நம்பிக்கை தெரிவித்துள்ளனர்.