#Spacewalk | வரலாற்றின் முதல் விண்வெளி சுற்றுலா | பயணத்தை முடித்துக்கொண்டு பத்திரமாக பூமிக்கு திரும்பிய 4 தொழிலதிபர்கள்!

விண்வெளிக்கு சுற்றுலா சென்ற முதல் குழு வெற்றிகரமாக பூமிக்கு திரும்பி உள்ளது.

அமெரிக்காவை சேர்ந்த தனியார் ஸ்பேஸ் எக்ஸ் விண்கலத்தின் மூலம் 5 நாட்கள் விண்வெளி சுற்றுலா சென்ற 4 பேர் சுற்றுலா முடிந்து வெற்றிகரமாக திரும்பியுள்ளனர்.எலான் மஸ்க்கின் ஸ்பேஸ் எக்ஸ் நிறுவனம் தனியார் விண்வெளி பயணத்தை கடந்த செப்டம்பர் 11ஆம் தேதி தொடங்கியது. பிரத்யேகமாக தயார் செய்யப்பட்ட போலரிஸ் டான் என்ற ஸ்பேஸ் விமானம் மூலம் ஃபால்கன் 9 என்ற ராக்கெட்டில் “ஐசக்மேன், ஸ்கார் போடீட், ஷாரா கில்லீஸ், அன்னா மேனன்” ஆகிய 4 பேர் விண்வெளிக்குச் சென்றனர்.

வெற்றிகரமாக விண்வெளிக்கு சென்றபின் செப்டம்பர் 12-ம் தேதி மாலை 4.22 மணிக்கு கேப்ஸ்யூலில் இருந்து வெளியேறிய ஜாரெட் ஐசக்மேன் என்பவர், முதல் நபராக விண்நடை மேற்கொண்டார். அதன்மூலம் ஸ்பேஸ் வாக் சென்ற முதல் மனிதர் என்ற பெருமையை அமெரிக்காவை சேர்ந்த ஐசக்மேன் பெற்றிருக்கிறார்.

இந்நிலையில் 5 நாட்களாக நீடித்த விண்வெளி சுற்றுலா பயணம் முடிந்து 4 பேரும் வெற்றிகரமாக பூமிக்கு திரும்பியுள்ளனர். வரலாற்றில் முதன்முறையாக விண்வெளி வீரர்கள் அல்லாதவர்கள் விண்ணுக்கு சென்று விண்நடை மேற்கொண்டது பெரிய விசயமாக பார்கப்படுகிறது. யார் வேண்டுமானாலும் விண்வெளிக்கு செல்லலாம் என்பதை ஸ்பேஸ் எக்ஸ் நிறுவனம் நிரூபித்துக் காட்டியுள்ளது.