"Hi மகிழினி…" தீவிர ரசிகையின் பிறந்தநாளுக்கு சர்ப்ரைஸ் கொடுத்த #Sivakarthikeyan!

நடிகர் சிவகார்த்திகேயன் தனது தீவிர ரசிகையின் பிறந்தநாளுக்கு வீடியோ மூலம் வாழ்த்து தெரிவித்துள்ளார்.

ரஜினிகாந்த், விஜய்க்கு பிறகு ஆறிலிருந்து அறுபது வரை அனைத்து தரப்பு ரசிகர்களையும் தன்பக்கம் ஈர்த்து வைத்திருப்பவர் நடிகர் சிவகார்த்திகேயன். சின்னத்திரையில் வீடியோ ஜாக்கி, தொகுப்பாளர் என வளர்ந்து வந்த அவர் தனுஷின் 3 படத்தின் மூலம் வெள்ளித்திரையில் அறிமுகமானார். இதனைத் தொடர்ந்து மெரினா, எதிர்நீச்சல் என தனது திறமையான மற்றும் நகைச்சுவை கலந்த நடிப்பால் தற்போது தமிழ் சினிமாவின் தவிர்க்கமுடியாத நடிகராக வலம் வருகிறார்.

இதையும் படியுங்கள் : “தாங்காம தூங்காம நான் பாடும் பாட்ட கேளு” – வெளியானது #NilavukuEnMelEnnadiKobam படத்தின் செகண்ட் சிங்கிள்!

சிவகார்த்திகேயன் நடிப்பில் கவனம் செலுத்தும் அதேவேளையில் தயாரிப்பு நிறுவனத்தை தொடங்கி நல்ல கதையம்சம் கொண்ட படங்களை தயாரித்தும் வருகிறார். கனா திரைப்படத்தின் மூலம் தயாரிப்பாளராக களமிறங்கிய சிவகார்த்திகேயன் குரங்கு பெடல், வாழ், கொட்டுக்காளி என நல்ல தயாரிப்பாளாராகவும் உருவாகியுள்ளார்.

இவர் நடிப்பில் சமீபத்தில் வெளியான அமரன் திரைப்படம் ரசிகர்கள் மத்தியில் நல்ல வரவேற்பை பெற்றுள்ளது.இந்த நிலையில், நடிகர் சிவகார்த்திகேயன் தனது தீவிர ரசிகையின் பிறந்தநாளுக்கு வீடியோ மூலம் வாழ்த்து தெரிவித்துள்ளார்.