கோல்டன் குளோப் விருதுகள் 2025 - விருது வென்றவர்களின் முழு பட்டியல்!

2025ஆம் ஆண்டிற்கான கோல்டன் குளோப் விருது பெற்றவர்களின் பட்டியலை இங்கு காண்போம். 

சிறந்த திரைப்படங்கள் மற்றும் சிறந்த தொலைக்காட்சி தொடர்களுக்கான 82ஆவது கோல்டன் குளோப் விருதுகள் வழங்கும் விழா கலிபோர்னியாவில் நடைபெற்றது. இதில் தி ப்ரூடலிஸ்ட் (The Brutalist) சிறந்த நடிகர், சிறந்த இயக்குநர், சிறந்த படம் என 3 கோல்டன் குளோப் விருதுகளை தட்டிச் சென்றது.

சிறந்த நடிகையாக 'I'm Still Here' பட நாயகி Fernanda Torres தேர்வானார்.  இந்தியாவிலிருந்து பரிந்துரைக்கப்பட்ட ‘ஆல் வி இமேஜின் அஸ் லைட்’ (All We Imagine as Light) திரைப்படம் விருது வெல்லும் வாய்ப்பை இழந்தது.

‘தி ப்ரூடலிஸ்ட்’ (The Brutalist) படத்திற்கு அடுத்தபடியாக, எமிலியா பெரெஸ் (Emilia Perez) படம், சிறந்த மியூசிக்கல் மற்றும் காமெடி பிரிவில் விருதுகளை தட்டிச் சென்றது. சிறந்த துணை நடிகை, ஆங்கிலம் அல்லாத பிற மொழியில் சிறந்த படம் ஆகிய விருதுகளும் எமிலியா பெரெஸ் படத்திற்கு கிடைத்தது.