மீண்டும் ஆட்டத்தை தொடங்கிய தங்கம் விலை... சவரனுக்கு ரூ.160 உயர்வு... இன்றைய விலை நிலவரம் என்ன?

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. அந்த வகையில், கடந்த சில தினங்களுக்கு முன்பு விலை அதிரடியாக குறைந்த நிலையில் தங்கம் ஒரு சவரன் ரூ.65,800-க்கும் விற்பனை செய்யப்பட்ட நிலையில் படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது.

இதனையடுத்து, தங்கம் விலை தொடர்ந்து ஏற்ற இறக்கத்தை சந்தித்து வந்தது. அந்த வகையில்,  தங்கம் விலை கடந்த மே1கிராமுக்கு ரூ.205 குறைந்து ரூ.8,775க்கும், சவரனுக்கு ரூ.1,640 குறைந்து ரூ.70,200க்கும் விற்பனை செய்யப்பட்டது. கடந்த மே 2ம் தேதி கிராமுக்கு ரூ.20 குறைந்து ரூ.8,755-க்கும் சவரனுக்கு ரூ.160 குறைந்து ரூ.70,040-க்கு விற்பனையானது. தொடர்ந்து தங்கம் விலை நேற்று முன்தினம் (மே 3) விலைமாற்றமின்றி விற்பனை செய்யப்பட்டது.

இந்த நிலையில், வாரத்தின் தொடக்க நாளான இன்று (மே 5) தங்கம் விலை அதிரடியாக உயர்ந்துள்ளது. அதன்படி, சென்னையில் ஆபரணத் தங்கத்தின் விலை கிராமுக்கு ரூ.20 உயர்ந்து ரூ.8,775க்கும் சவரனுக்கு ரூ.160 உயர்ந்து ரூ.70,200க்கும் விற்பனை செய்யப்படுகிறது.