தமிழ் புத்தாண்டில் குறைந்த தங்கம் விலை... இன்றைய விலை நிலவரம் இதோ!

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. பின்னர் படிப்படியாக உயர்ந்து தங்கம் விலை 68 ஆயிரத்தை தொட்டது.

இதற்கிடையே, கடந்த சில தினங்களுக்கு முன்பு தங்கம் விலை தொடர் சரிவை சந்தித்த நிலையில் ஒரு சவரன் ரூ.65,800-க்கும் விற்பனை செய்யப்பட்டது. பின்னர் அதிரடியாக உயர்ந்த தங்கம் விலை நேற்று முன்தினம் (ஏப்.12) ரூ.70 ஆயிரத்தை கடந்து வரலாற்றில் புதிய உச்சத்தை தொட்டது. அதன்படி, தங்கத்தின் விலை நேற்று முன்தினம் (ஏப்.12) கிராமுக்கு ரூ.25 உயர்ந்து ரூ.8,770க்கும், சவரனுக்கு ரூ.200 உயர்ந்து ரூ.70,160 க்கும் விற்பனை செய்யப்பட்டது.

இந்த நிலையில், தங்கம் விலை இன்று (ஏப்.14) சற்று குறைந்துள்ளது. அதன்படி, சென்னையில் ஆபரணத் தங்கத்தின் விலை கிராமுக்கு ரூ.15 குறைந்து ரூ.8,755க்கும், சவரனுக்கு ரூ.120 குறைந்து ரூ.70,040 க்கும் விற்பனை செய்யப்படுகிறது. அதேபோல் வெள்ளி விலையும் ரூ.2 குறைந்துள்ளது. அதன்படி, ஒரு கிராம் வெள்ளி ரூ.108 க்கும், ஒரு கிலோ கட்டி வெள்ளி ரூ.1,08,000க்கம் விற்பனையாகிறது.