தங்கம் விலை உயர்வு - இன்றைய நிலவரம் என்ன?

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. தொடர்ந்து, படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது.

இதனையடுத்து, தங்கம் விலை கடந்த ஏற்ற இறக்கத்தை சந்தித்து வருகிறது. அந்த வகையில் நேற்று தங்கம் விலை சவரனுக்கு ரூ.440 குறைந்து, ஒரு சவரன் ரூ.73 ஆயிரத்து 680 க்கு விற்பனையானது. ஒரு கிராம் தங்கம் ரூ.9 ஆயிரத்து 210 க்கு விற்பனை செய்யப்பட்டது.

இந்த நிலையில், இன்று தங்கம் விலை சற்று உயர்ந்துள்ளது. அதன்படி, சவரனுக்கு ரூ.200 உயர்ந்து, ஒரு சவரன் ரூ.73 ஆயிரத்து 880 க்கு விற்பனையாகிறது. கிராமுக்கு ரூ. 25 அதிகரித்து ரூ.9 ஆயிரத்து 235 க்கு விற்பனை செய்யப்படுகிறது. வெள்ளி விலை மாற்றமின்றி ஒரு கிராம் ரூ.120 க்கு விற்பனையாகிறது.