தொடர்ந்து சரியும் தங்கம் விலை…3 நாட்களில் ரூ.2,440 குறைவு!

இந்த ஆண்டு மார்ச் மற்றும் ஏப்ரல் மாதங்களில் தங்கத்தின் விலை கடுமையாக உயர்ந்து வந்தது.  குறுகிய கால இடைவெளியில் கிடுகிடுவென தங்கத்தின் விலை அதிகரித்து சவரன் ரூ.55,000-ஐ தாண்டியது.  இந்த தொடர் விலையேற்றம் நடுத்தர மக்களிடையே பெரும் அதிர்ச்சியை ஏற்படுத்தியது.  இதனைத் தொடர்ந்து தங்கம் விலை ஏறியும், இறங்கியும் காணப்பட்டது.

இந்த நிலையில், தங்கம் விலை 3 நாட்களில் ரூ.2,440 குறைந்துள்ளது.  அந்த வகையில் சென்னையில் ஆபரணத் தங்கத்தின் விலை  நேற்று முன்தினம் கிராமுக்கு ரூ. 110 குறைந்து ரூ. 6,750 -க்கும்,  சவரனுக்கு ரூ. 880 குறைந்து ரூ. 54,000 -க்கும் விற்பனை செய்யப்பட்டது.  அதேபோல் நேற்று கிராமுக்கு ரூ.100 குறைந்து ரூ.6,650-க்கும்,  சவரனுக்கு ரூ.800 குறைந்து ரூ.53,200-க்கும் விற்பனையானதுது.

இந்த நிலையில்,  இன்று கிராமுக்கு ரூ.95 குறைந்து ரூ.6,555-க்கும்,  சவரனுக்கு ரூ.760 குறைந்து ரூ.52,440 -க்கும் விற்பனை செய்யப்படுகிறது.  தொடர்ந்து,  வெள்ளி விலையில் மாற்றம் இன்றி கிராம் ரூ.96 -க்கும்,  ஒரு கிலோ வெள்ளி ரூ.96,000-க்கும் விற்பனை செய்யப்படுகிறது.