பெரும் எதிர்ப்பார்ப்புக்கு மத்தியில் வெளியான ‘கங்குவா’… தியேட்டர்களில் குவிந்த ரசிகர்கள் கூட்டம்!

தமிழக அரசின் சார்பில் சிறப்பு காட்சிக்கு அனுமதி வழங்கப்பட்டுள்ளதால், காலை 9 மணிக்கு கங்குவா படம் வெளியாகியுள்ளது. 

தமிழ் சினிமாவின் முன்னணி நடிகராகவும் தயாரிப்பாளராகவும் இருக்கும் சூர்யா நடிப்பில், அதிக பொருட்செலவில் தயாராகியுள்ள படம் கங்குவா. சிறுத்தை சிவா இயக்கியுள்ள இந்த படத்தில், பாலிவுட் நடிகை திஷா பதானி, பாபி தியோல் ஆகியோருடன், நட்டி நட்ராஜ், ஜெகபதி பாபு, கே.எஸ்.ரவிக்குமார் உள்ளிட்ட பலர் நடித்துள்ளனர். தேவிஸ்ரீ பிரசாத் இந்த படத்தை ஸ்டூயோகிரீன் ஞானவேல் ராஜா தயாரித்துள்ளார்.

கங்குவா படம் கடந்த அக்டோபர் 10-ந் தேதி வெளியாகும் என்று அறிவிக்கப்பட்ட நிலையில், அப்போது ரஜினிகாந்தின் வேட்டையன் படம் வெளியானதால் தள்ளிப்போனதை தொடர்ந்து, தற்போது நவம்பர் 14-ந் தேதி வெளியாகி உள்ளது. தற்போது தமிழக அரசின் சார்பில் சிறப்பு காட்சிக்கு அனுமதி வழங்கப்பட்டுள்ளதால், காலை 9 மணிக்கு படம் வெளியாகியுள்ளது.