தங்கம் விலை ஏறியதா? இறங்கியதா? - இன்றைய விலை நிலவரம் இதோ!

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. அந்த வகையில், கடந்த சில தினங்களுக்கு முன்பு விலை அதிரடியாக குறைந்த நிலையில் தங்கம் ஒரு சவரன் ரூ.65,800-க்கும் விற்பனை செய்யப்பட்ட நிலையில் படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது.

இதையும் படியுங்கள் : கொல்கத்தா ஹோட்டலில் பயங்கர தீ விபத்து – குழந்தைகள் உட்பட 14 பேர் உயிரிழப்பு!

இதனையடுத்து, தங்கம் விலை தொடர்ந்து ஏற்ற இறக்கத்தை சந்தித்து வந்தது. . அதன்படி, தங்கத்தின் விலை நேற்று முன்தினம் (ஏப்.28) கிராமுக்கு ரூ.65 குறைந்து ரூ.8,940க்கும், சவரனுக்கு ரூ.520 குறைந்து ரூ.71,520க்கும் விற்பனை செய்யப்பட்டது. தொடர்ந்து,  நேற்று (ஏப்.29) கிராமுக்கு ரூ.40 உயர்ந்து ரூ.8,980, சவரனுக்கு ரூ.320 உயர்ந்து, ரூ.71,840-க்கும் விற்பனையானது.

இந்த நிலையில், இன்று தங்கம் விலையில் எந்த மாற்றமும் இன்றி நேற்றைய விலைக்கே விற்பனை செய்யப்படுகிறது. அதன்படி, சென்னையில் ஆபரணத் தங்கம் ஒரு கிராம் ரூ.8,980க்கம், சவரன் ரூ.71,840-க்கும் விற்பனையாகிறது.  வெள்ளி விலையிலும் மாற்றம் இல்லாமல் கிராம் ரூ.111 க்கு விற்பனை செய்யப்படுகிறது. இதனால் மக்கள் சிறிது நிம்மதியடைந்துள்ளார்.