வங்கதேசத்தில் உள்ள கோயிலை முஸ்லிம்கள் இடித்தனரா?

This news Fact Checked by ‘AajTak’

‘வங்கதேசத்தில் முஸ்லிம்கள் ஒரு கோயிலை இடித்துத் தள்ளுகிறார்கள்’ என்ற தலைப்புடன் வீடியோ ஒன்று வைரலாகி வருகிறது. இதுகூறித்த வீடியோ சரிபார்ப்பை காணலாம்.

சமூக வலைதளங்களில் ஒரு வீடியோ வைரலாகி வருகிறது. அதில் ஒரு பெரிய கூட்டம் ஒரு கட்டிடத்தை சேதப்படுத்துகின்றனர். அங்குள்ள பலர் தலையில் வெள்ளைத் தொப்பி அணிந்துள்ளனர். வீடியோவைப் பகிர்ந்தவர்கள், பங்களாதேஷ் முஸ்லிம்கள் ஒரு கோயிலை இடித்துத் தள்ளுகிறார்கள் என நம்புகின்றனர்.

நவம்பர் 30 அன்று இஸ்கான் முன்னாள் உறுப்பினரும், இந்து மதகுருவுமான சின்மயி கிருஷ்ண தாஸ் கைது செய்யப்பட்டதில் இருந்து குறைந்தது மூன்று இந்து கோயில்கள் மீதான தாக்குதல் வழக்குகள் பங்களாதேஷில் பதிவாகியுள்ளன. சின்மயி சார்பில் வழக்கு தொடர எந்த வழக்கறிஞரும் முன்வராத சூழ்நிலை உள்ளது.

இதற்கிடையில், ஒரு பெரிய கூட்டம் ஒரு கட்டிடத்தை சேதப்படுத்தும் வீடியோ சமூக ஊடகங்களில் வைரலாகி வருகிறது. அங்குள்ள பலர் தலையில் வெள்ளைத் தொப்பி அணிந்துள்ளனர். அதில் உள்ள ஒரு கோயிலை பங்களாதேஷ் முஸ்லிம்கள் இடிப்பதாக அந்த வீடியோவைப் பகிர்ந்தவர்கள் தெரிவித்துள்ளனர். அத்தகைய பதிவின் காப்பகப்படுத்தப்பட்ட பதிப்பை இங்கே காணலாம்.

இந்த வீடியோ இந்த ஆண்டு ஆகஸ்ட் 29-ம் தேதி வங்காளதேசத்தின் சிராஜ்கஞ்சில் உள்ள முஸ்லீம் துறவி அலி பக்லாவின் ஆலயத்தை மக்கள் சேதப்படுத்திய வீடியோவை ஆஜ் தக் உண்மைச் சரிபார்ப்பு கண்டறிந்துள்ளது.

உண்மை சரிபார்ப்பு:

வீடியோவின் முக்கிய பிரேம்களைத் தலைகீழாகத் தேடியதில், ஆகஸ்ட் 30 தேதியிட்ட ஃபேஸ்புக் பதிவில் அது கிடைத்தது. இந்த சம்பவம் ஹஸ்ரத் பாபா அலி பக்லாவின் தர்காவில் நடந்ததாக குறிப்பிடப்பட்டுள்ளது.

இதற்குப் பிறகு, வங்கதேச செய்திச் சேனலான 'மெட்ரோ டிவி'யின் யூடியூப் சேனலில் வைரலான வீடியோவின் நீண்ட பதிப்பு கிடைத்தது. ஆகஸ்ட் 29 தேதியிட்ட இந்த வீடியோவில், இந்த சம்பவம் பங்களாதேஷில் உள்ள சிராஜ்கஞ்சில் இருந்து நடந்ததாகக் கூறப்படுகிறது.

பங்களாவில் வெளியிடப்பட்ட அறிக்கையின்படி, இந்த சம்பவம் வங்காளதேசத்தின் சிராஜ்கஞ்ச் மாவட்டத்தில் ஆகஸ்ட் 29 அன்று நடந்தது. உண்மையில், காசிபூர் துணை மாவட்டத்தின் மன்சூர்நகர் பகுதியில் அமைந்துள்ள முஸ்லிம் துறவி ஹஸ்ரத் பாபா அலி பக்லாவின் தர்கா இடிக்கப்பட்டது. இமாம் குலாம் ரப்பானியின் உத்தரவின் பேரில் மக்கள் இந்த முழு சம்பவத்தையும் நடத்தினர். இந்த சம்பவத்திற்கு பிறகு ரப்பானி பதவியில் இருந்து நீக்கப்பட்டதாக தகவல்கள் தெரிவிக்கின்றன.

BDNews 24 இன் அறிக்கையின்படி, அலி பக்லா ஒரு துறவி, அவர் ஒரு மசூதியின் இமாமாக 10 ஆண்டுகள் இருந்தார். செப்டம்பர் 19, 2004 அன்று அவர் இறந்த பிறகு, அவரது ஆதரவாளர்கள் அவரது தர்காவைக் கட்டினார்கள். ஆனால், ஆகஸ்ட் 29, 2024 அன்று, இமாம் குலாம் ரப்பானி சிலருடன் சேர்ந்து அதை இடித்தார். இந்த சம்பவத்தால் கோபமடைந்த உள்ளூர் மக்கள் குலாம் ரப்பானிக்கு எதிராக போராட்டம் நடத்தத் தொடங்கினர். அதன் பிறகு அவர் பதவியில் இருந்து நீக்கப்பட்டார். இது தொடர்பாக போலீசில் புகார் அளிக்கப்படவில்லை. வைரலான வீடியோவில், மக்கள் தர்காவை இடிக்கிறார்கள், பங்களாதேஷின் கோயிலை அல்ல என்பது தெளிவாகிறது.

Note : This story was originally published by ‘AajTak’ and translated by ‘News7 Tamil’ as part of the Shakti Collective.