RSS தலைவர் மோகன் பகவத்திற்கு எதிராக டொனால்ட் டிரம்ப் விமர்சனங்களை முன்வைத்தாரா? - வைரல் வீடியோவின் பின்னணி என்ன?

This News Fact Checked by ‘FACTLY’

ஆர்.எஸ்.எஸ் தலைவர் மோகன் பகவத்தின் மார்ச் 2025 அருணாச்சலப் பிரதேச வருகையின் பின்னணியில் ( இங்கே , இங்கே , மற்றும் இங்கே ), ஒரு வீடியோ வைரலாகி வருகிறது. அந்த வீடியோவில் டொனால்ட் டிரம்ப் மோகன் பகவத்தை விமர்சனம் செய்வது போன்ற கூற்றுகள் இடம்பெற்றுள்ளன. இது தொடர்பாக  கிளிப்களைக் கொண்ட ஒரு வீடியோ ( இங்கே மற்றும் இங்கே ) சமூக ஊடகங்களில் சுற்றி வருகிறது.

இந்த வீடியோவில்,டோனி போலோ (அருணாச்சலப் பிரதேசத்தில் உள்ள ஒரு பூர்வீக நம்பிக்கை) இனத்தின் தலைவர்களை கிறிஸ்தவர்களுக்கு எதிராகத் தூண்டுவதற்காக ஆர்.எஸ்.எஸ்ஸிடமிருந்து பணம் பெற்றதாக டிரம்ப் கூறுவதைக் அந்த வீடியோவில் கேட்கலாம். இந்த வீடியோ '... அருணாச்சலப் பிரதேசத்தின் டானி குலத்திற்கு மிகவும் ஆபத்தானது ' என்று எழுதப்பட்ட எச்சரிக்கை செய்தியாகப் பகிரப்படுகிறது. இந்தக் கட்டுரையின் மூலம் இந்தக் கூற்றை உண்மைச் சரிபார்ப்பு செய்யலாம்.

உண்மை சரிபார்ப்பு : 

வைரலான கூற்றின் உண்மைத்தன்மையைச் சரிபார்க்க, டொனால்ட் டிரம்ப் சமீபத்தில் அருணாச்சலப் பிரதேசத்தில் உள்ள டானி பழங்குடியினர் மற்றும் டோனி போலோ நம்பிக்கை குறித்து ஏதேனும் கருத்துகளைத் தெரிவித்தாரா என்பதை அறிய இணையத்தில் ஒரு முக்கிய வார்த்தை தேடலை மேற்கொண்டோம். இருப்பினும், அதை உறுதிப்படுத்தும் எந்த செய்தி அறிக்கைகளையும் நாங்கள் காணவில்லை.

பின்னர், வைரல் காணொலியைப் பற்றி மேலும் அறிய, இணையத்தில் தொடர்புடைய முக்கிய வார்த்தைகளைப் பயன்படுத்தி மற்றொரு தேடலை மேற்கொண்டோம். இந்தத் தேடல் மார்ச் 3, 2025 அன்று அருணாச்சலப் பிரதேசத்தின் AI என்ற பக்கத்தின் பேஸ்புக் பதிவிற்கு ( காப்பக இணைப்பு ) எங்களை அழைத்துச் சென்றது, அதில் அதே காணொலி இருந்தது .

இந்த காணொலியில் , ' அருணாச்சல பிரதேசத்தில் நடக்கும் அனைத்து நிகழ்வுகளையும் கருத்தில் கொண்டு இவை எனது அனுமானங்கள் மட்டுமே ' என்று கூறும் ஒரு மறுப்பு உள்ளது. பின்னர் இந்தப் பக்கத்தின் அறிமுகப் பகுதியை நாங்கள் சரிபார்த்தோம், அவர்கள் AI ஆளுமைகளைப் பயன்படுத்தி ஸ்கிரிப்ட் செய்யப்பட்ட வீடியோக்களை இடுகையிடுவதைக் கண்டறிந்தோம்.

Note : This story was originally published by ‘‘FACTLY’ and Translated by ‘News7 Tamil’ as part of the Shakti Collective.