படகு வடிவிலான வாகனத்தில் மஹா கும்பமேளாவிற்கு பக்தர்கள் வந்தார்களா ? - வைரலான வீடியோவின் பின்னணி என்ன?

This News Fact Checked by ‘FACTLY’

சமூக ஊடகங்களில் பகிரப்படும் வீடியோவில்  படகு வடிவ வாகனத்தில் மக்கள் சவாரி செய்வதைக் காட்டுகிறது. உத்தர பிரதேசத்தில் தற்போது நடைபெற்று வரும் பிரயாக்ராஜ் மஹாகும்ப மேளாவின்போது இந்த நபர்கள் கலியுகத்தின் புஷ்பக் விமானத்தில் பயணிக்கிறார்கள் என்ற கூற்றுடன் இது பகிரப்பட்டது. இந்தக் கட்டுரையில் வீடியோவின் பின்னணியில் உள்ள உண்மையைச் சரிபார்ப்போம்.

   உண்மை சரிபார்ப்பு : 

"பிரயாக்ராஜ் மஹாகும்ப மேளாவிற்கு பக்தர்கள் ஒரு படகு வடிவ வாகனம் மற்றும் கலியுக் புஷ்பக் விமானத்தில் வந்தனர்" என்ற முக்கிய வார்த்தைகளைப் பயன்படுத்தி கூகுளில் தேடினோம். அத்தகைய அறிக்கைகள் எதுவும் கிடைக்கவில்லை. 

வைரல் வீடியோவிலிருந்து கீஃப்ரேம்களின் கூகுள் ரிவர்ஸ் இமேஜ் தேடுதலுக்கு உட்படுத்தியபோது இது 05 நவம்பர் 2024 தேதியிட்ட Instagram இடுகைக்கு அதே வீடியோவைக் கொண்டு சென்றது. அதில் தலைப்பு: “ நீங்கள் எங்கு விரைந்து செல்கிறீர்கள்? #funnyclip #funny #ThaisAreFunnyPeople." என குறிப்பிட்டிருந்தது. மேலும்  இந்த இடுகையில் TikTok பயனர் ஐடி @b_lawan_klanthong இன் வாட்டர்மார்க் காட்டப்பட்டது.

@b_lawan_klanthong என்ற TikTok கணக்கைத் தேடினோம், அதே வீடியோவை 05 நவம்பர் 2024 அன்று தாய்லாந்து மொழியில் இடம்பெற்ற தலைப்புடன் பயனர் இடுகையிட்டதைக் கண்டறிந்தோம்.

வைரலான வீடியோவைப் பற்றிய கூடுதல் தகவல்களைச் சேகரிக்க, தொடர்புடைய கூகுள் தேடலை நாங்கள் மேற்கொண்டோம், அந்த வீடியோ தாய்லாந்திலிருந்து வந்ததாக ஒரு செய்திக் கட்டுரை ( காப்பகப்படுத்தப்பட்டது ) கிடைத்தது. அதே வீடியோவை நியூஸ்ஃப்ளேரில்  இடம்பெற்றிருந்ததையும் கண்டறிந்தோம்

மேலும் விசாரணையில், இந்த வாகனத்தின் கூடுதல் படங்களை ஷட்டர்ஸ்டாக்கில் கண்டறிந்தோம் , தேடலில் கிடைத்த தகவல்கள் அனைத்தும் தாய்லாந்தில் இருந்து கிடைத்தவை என்று கூறப்பட்டது. இந்த படங்களில் ஒன்றில் "காம்பேங் ஃபெட்" என்று எழுதப்பட்ட சைன்போர்டு உள்ளது.  இதுகுறித்து கூகுளில் தேடியபோது Kamphaeng Phet தாய்லாந்தில் அமைந்துள்ள ஒரு மாகாணம் என்பது தெரியவந்தது .

சுருக்கமாக, தாய்லாந்தில் எடுக்கப்பட்ட படகு வடிவிலான வாகனத்தில் பயணிக்கும் பழைய வீடியோ, 2025 பிரயாக்ராஜ் மகா கும்பத்திற்கு மக்கள் பயணிக்கும் காட்சிகளாக தவறாகப் பகிரப்பட்டது.

முடிவு : 

பிரயாக்ராஜ் மஹாகும்ப மேளாவிற்கு பக்தர்கள் ஒரு படகு வடிவ வாகனம் மற்றும் கலியுக் புஷ்பக் விமானத்தில் வந்தனர் என வீடியோ வைரலாகி வருகிறது. இதுகுறித்து உண்மைத் தன்மையை ஆய்வு செய்தபோது அவை தாய்லாந்தில் எடுக்கப்பட்ட படகு வடிவிலான வாகனத்தில் பயணிக்கும் பழைய வீடியோ என்பது தெரியவந்தது. இவை 2025 பிரயாக்ராஜ் மகா கும்பத்திற்கு மக்கள் பயணிக்கும் காட்சிகளாக தவறாகப் பகிரப்பட்டது.

Note : This story was originally published by ‘FACTLY’ and Translated by ‘News7 Tamil’ as part of the Shakti Collective.