நடிகை பிரியங்கா சோப்ரா தனது குடும்பத்துடன் மகா கும்பமேளாவில் கலந்துகொண்டாரா?
This News Fact Checked by ‘Vishvas News’
தனது சொந்த காரணங்களுக்காக இந்தியா வந்த நடிகை பிரியங்கா சோப்ரா, ஹைதராபாத்தில் உள்ள சில்கூர் ஸ்ரீ பாலாஜி கோயிலுக்கும் வருகை தந்தார். அப்போது எடுத்த பிரியங்கா சோப்ராவின் புகைப்படம் ஒன்று வைரலாகி வருகிறது. படத்தில், அவர் கணவர் நிக் ஜோனாஸ் மற்றும் மகள் மால்டியுடன் நிற்பதைக் காணலாம். புகைப்படத்தைப் பகிர்ந்து, பிரியங்கா சோப்ரா பிரயாக்ராஜை அடைந்துவிட்டதாகக் கூறப்படுகிறது. இந்த புகைப்படம் அவர் மகா கும்பமேளாவில் பங்கேற்பது போல அமைந்திருந்தது.
இதுகுறித்த விசாரணையில் இந்த வைரல் கூற்று பொய்யானது என்று கண்டறியப்பட்டுள்ளது. பிரியங்காவின் வைரலான புகைப்படம் மகாகும்பமேளாவில் இருந்து எடுக்கப்பட்டது அல்ல, அவர் தனது குடும்பத்தினருடன் அயோத்தியை அடைந்து ராமர் கோயிலுக்குச் சென்றபோது எடுத்த கிட்டத்தட்ட ஒரு ஆண்டு பழமையானது. இந்த கட்டுரை எழுதும் வரை, அவர் மகாகும்பமேளாவிற்குச் சென்றதாக எந்த செய்தியும் இல்லை.
வைரல் பதிவு:
இந்த வைரல் படத்தைப் பகிரும் போது, பேஸ்புக் பயனர் ராதா யாதவ், "பிரியங்கா சோப்ரா இந்திய மரபுகளில் சிறப்பு நம்பிக்கை கொண்டவர். உலகளாவிய சின்னங்கள் பெரும்பாலும் இதைப் பற்றிய ஒரு பார்வையைக் காட்டுகின்றன. தற்போது, பிரியங்கா சோப்ரா 2025 மகாகும்பத்தில் புனித நீராட உள்ளார். இந்த ஆண்டின் மிகப்பெரிய மத விழா ஜனவரி 13 ஆம் தேதி தொடங்கி பிப்ரவரி 25 ஆம் தேதி முடிவடையும். இந்த தெய்வீக நிகழ்வில் பங்கேற்க உலகம் முழுவதிலுமிருந்து பக்தர்கள் பிரயாக்ராஜை அடைந்து வருகின்றனர். பிரியங்கா மதங்களின் கூட்டமான சங்கம மகாகும்பத்தில் பங்கேற்க பிரயாக்ராஜையும் அடைந்துள்ளார்.” என பதிவிட்டுள்ளார்.
பதிவின் காப்பக இணைப்பை இங்கே காண்க.
உண்மை சரிபார்ப்பு:
வைரலான கூற்றின் உண்மைத்தன்மையைக் கண்டறிய, தொடர்புடைய முக்கிய வார்த்தைகளைப் பயன்படுத்தி கூகுளில் தேடியதில், கூற்று தொடர்பான எந்த நம்பகமான செய்தி அறிக்கைகளும் கிடைக்கவில்லை.
பிரியங்கா சோப்ராவின் சமூக ஊடகக் கணக்குகளை தேடியபோது, அதில் அவர் மகா கும்பமேளாவிற்கு வந்தது தொடர்பான எந்தப் பதிவுகளும் இல்லை. இருப்பினும், ஹைதராபாத்தில் உள்ள சில்கூர் ஸ்ரீ பாலாஜி கோயிலுக்கு அவர் சென்றது தொடர்பான பதிவுகள் கிடைத்தன.
https://x.com/priyankachopra
வைரலான இந்தப் படத்தின் பின்னணியில் உள்ள உண்மையைக் கண்டறிய, கூகுள் ரிவர்ஸ் இமேஜைப் பயன்படுத்தி புகைப்படத் தேடல் மேற்கொள்ளப்பட்டது. ஏபிபி நியூஸின் அதிகாரப்பூர்வ வலைத்தளத்தில் இந்தக் கூற்று தொடர்பான ஒரு அறிக்கையும் கிடைத்தது. இந்த அறிக்கை மார்ச் 21, 2024 அன்று வெளியிடப்பட்டது. அந்த அறிக்கையின்படி, பிரியங்கா சோப்ரா தனது குடும்பத்தினருடன் ராமர் கோயிலுக்குச் சென்று தரிசனம் செய்திருந்தார்.
நியூஸ்18 இன் அதிகாரப்பூர்வ யூடியூப் சேனலில் பிரியங்கா தனது குடும்பத்தினருடன் ராமர் கோயிலுக்குச் சென்ற காணொளியும் கிடைத்தது. இந்த காணொளி 20 மார்ச் 2024 அன்று பதிவேற்றப்பட்டது.
மேலும் தகவலுக்கு, அயோத்தி தைனிக் ஜாக்ரனின் தலையங்கப் பொறுப்பாளர் ராம சரண் அவஸ்தியை தொடர்பு கொண்டபோது, வைரலாகும் வீடியோ கிட்டத்தட்ட ஒரு ஆண்டு பழமையானது என்றும், பிரியங்கா சோப்ரா ராமர் கோயிலுக்குச் சென்று தரிசனம் செய்ததாகவும் அவர் கூறினார்.
இறுதியாக, தவறான கூற்றுடன் புகைப்படத்தைப் பகிர்ந்த பயனரின் கணக்கை ஸ்கேன் செய்தபோது, அந்த பயனர் சித்தாந்தம் தொடர்பான பதிவுகளைப் பகிர்வது தெரியவந்தது. அந்த பயனர் தனது சுயவிவரத்தில் தன்னை உத்தரபிரதேசத்தைச் சேர்ந்தவர் என்று குறிப்பிட்டிருந்தார்.
முடிவு:
பிரியங்கா சோப்ரா மகாகும்பமேளாவிற்கு செல்வது போன்ற வைரலான படம் தொடர்பான கூற்று தவறானது என்று விசாரணையில் தெரியவந்தது. பிரியங்காவின் வைரலான படம் மகாகும்பமேளாவுடையது அல்ல, ஆனால் அவர் தனது குடும்பத்தினருடன் அயோத்தியை அடைந்து ராமர் கோயிலுக்குச் சென்றபோது எடுத்த சுமார் ஒரு ஆண்டு பழமையானது. இந்த செய்தியை எழுதும் வரை, அவர் மகாகும்பமேளாவிற்கு சென்றது பற்றிய எந்த செய்தியும் வெளிவரவில்லை.
Note : This story was originally published by ‘Vishvas News’ and Translated by ‘News7 Tamil’ as part of the Shakti Collective.