CSK வின் ஹாட்ரிக் வெற்றியை தடுத்து நிறுத்திய டெல்லி அணி - ரசிகர்களுக்கு விருந்தாக அமைந்த தோனியின் மாஸான ஃபினிஷிங்!

19வது ஓவரை பதிரனா வீச 5வது பந்தில் ருதுராஜிடம் கேட்ச் கொடுத்து அவுட் ஆனார். பண்ட் 32 பந்துகளில் 51 ரன்கள் எடுத்தார். 20வது ஓவரை முஷ்தாபிஷூர் வீசினார். இந்த ஓவரில் மொத்தம் 12 ரன்களுடன் டெல்லி கேபிடல்ஸ் அணி 20 ஓவர்கள் முடிவில் 5 விக்கெட் இழப்புக்கு 191 ரன்கள் எடுத்துள்ளது. இதனையடுத்து சென்னை அணிக்கு 192 ரன்கள் இலக்காக நிர்ணயிக்கப்பட்டது.

இதனைத் தொடர்ந்து 192ரன்கள் எடுத்தால் வெற்றி என்கிற இலக்குடன் களமிறங்கிய சென்னை சூப்பர் கிங்ஸ் அணியின் தொடக்க ஆட்டக்காரர்கள் அடுத்தடுத்து ஆட்டமிழந்தனர். மிட்செல் மற்றும் ரஹானே ஜோடி நிதானமாக விளையாடி அணியின் ரன் எண்ணிக்கையை நிதானமாக உயர்த்தியது. இதனைத் தொடர்ந்து மிட்செல் , ரஹானே ஆட்டமிழந்து வெளியேற அடுத்து வந்த ரிஜ்வியும் டக் அவுட் ஆனார்.

இதனைத் தொடர்ந்து களமிறங்கிய சிவம் துபேயும் சொற்ப ரன்களுக்கு ஆட்டமிழந்து வெளியேற ஜடேஜாவுடன் அணியின் முன்னாள் கேப்டன் தோனி ஜோடி சேர்ந்தார். இந்த ஜோடி அதிரடியாக ஆடி பந்துகளை பவுண்ட்ரிகளுக்கும், சிக்ஸர்களுக்கும் பறக்க விட்டன. குறிப்பாக தோனி இந்த ஐபிஎல் சீசனில் முதல் முறையாக பேட்டிங்கில் நேற்று களமிறங்கினார்.

தோனியின் அதிரடி ஆட்டத்தால் மைதானம் முழுக்க “தோனி..தோனி..” என்கிற ஆரவாரத்துடன் விசாகப்பட்டிணம் மைதானம் சேப்பாக்கம் மைதானம் போல காட்சியளித்தது. இறுதியாக மகேந்திர சிங்கின் ஃபினிஷிங் ஷாட்டாக பந்தை சிக்ஸிற்கு பறக்க விட்டார். இதன்மூலம் 16 ரன்களுக்கு 37 ரன்கள் குவித்தார். இறுதியாக நிர்ணயிக்கப்பட்ட 20 ஓவர்களில் சென்னை அணியால் இலக்கை அடையமுடியவில்லை. இதனைத் தொடர்ந்து சென்னை அணியின் ஹாட்ரிக் வெற்றியை டெல்லி அணி தடுத்து நிறுத்தியுள்ளது. இப்போட்டியின் ஆட்ட நாயகனாக டெல்லி கேப்பிடல்ஸ் அணியின் வீரர் கலீல் அகமது தேர்வு செய்யப்பட்டார்.