பிரபல நடிகரின் பயோபிக்கில் #Dhanush? வெளியான தகவல்!

பிரபல நடிகர் சந்திரபாபுவின் பயோபிக்கில் தனுஷ் நடிக்க உள்ளதாக தகவல் வெளியாகியுள்ளது.

கடந்த 2002ம் ஆண்டு வெளியான 'துள்ளுவதோ இளமை' திரைப்படத்தின் மூலம் தமிழ் சினிமாவில் நடிகராக அறிமுகமானவர் தனுஷ். தொடர்ந்து, இவர் 50க்கும் மேற்பட்ட படங்களில் நடித்து முன்னணி நடிகராக வலம் வருகிறார். நடிகராக அறிமுகமான இவர் பாடகர், பாடலாசிரியர், தயாரிப்பாளர் மற்றும் இயக்குனர் என கலக்கி வருகிறார். தனுஷ் இந்திய சினிமாவை தொடர்ந்து ஹாலிவுட் திரைப்படத்திலும் நடித்துள்ளார்.

இவர் நடிப்பில் கடைசியாக வெளியான 'ராயன்' திரைப்படம் கலவையான விமர்சனங்களை பெற்றது. இத்திரைப்படத்தை தனுஷே இயக்கி நடித்திருந்தார். இதனைத்தொடர்ந்து இவர் 'நிலவுக்கு என்மேல் என்னடி கோபம்', 'இட்லி கடை' ஆகிய திரைப்படங்களை இயக்கி வருகிறார். இட்லி கடை படத்தில் தனுஷ் ஹீரோவாகவும் நடித்து வருகிறார். அதனும் குபேரா என்ற பட்த்திலும் தனுஷ் நடித்து வருகிறார்.

இதற்கிடையே, இசையமைப்பாளர் இளையராஜாவின் பபோபிக்கில் தனுஷ் நடிப்பதாக தகவல் வெளியானது. தற்போது அந்த படம் கைவிடப்பட்டதாகவும் கூறப்படுகிறது. இந்த நிலையில், பிரபல கமெடி நடிகர் சந்திரபாபுவின் பயோபிக்கில் தனுஷ் நடிக்க உள்ளதாக புதிய தகவல் வெளியாகியுள்ளது. இது தொடர்பான அறிவிப்பு விரைவில் வெளியாகும் என்று எதிர்பார்க்கப்படுகிறது.

கடந்த 1947-ம் ஆண்டு 'தன அமாராவதி' என்னும் திரைப்படத்தில் ஒரு சிறிய கதாபாத்திரத்தின் மூலம் சினிமாத்துறையில் அறிமுகமானவர் சந்திரபாபு. இவர் நடிகராக மட்டுமல்லாமல் பாட்டு, இசை, ஓவியம், நாடகம், சிற்பம் என அனைத்திலும் ஈடுபாடு கொண்ட அற்புதமான கலைஞராகவும் விளங்கியவர். இவர், புதையல், சகோதரி, நாடோடி மன்னன், குலேபகாவலி, நீதி, ராஜா உள்ளிட்ட படங்களில் நடித்து பிரபலமானது குறிப்பிடத்தக்கது.