தேவர் ஜெயந்தி மற்றும் குருபூஜை – முத்துராமலிங்கத் தேவரின் படத்திற்கு தவெக தலைவர் #Vijay மரியாதை!

தேவர் ஜெயந்தி மற்றும் குருபூஜையை முன்னிட்டு முத்துராமலிங்கத் தேவரின் உருவப்படத்திற்கு தவெக தலைவர் விஜய் மலர் தூவி மரியாதை செலுத்தினார் .

ராமநாதபுரம் மாவட்டம் பசும்பொன்னில் முத்துராமலிங்கத் தேவரின் 117-வது ஜெயந்தி விழா மற்றும் 62-வது குருபூஜை விழா, நேற்று முன்தினம் தேவர் நினைவாலய நிர்வாகத்தின் சார்பில் ஆன்மிக விழா யாகசாலை, லட்சார்ச்சனை பெருவிழாவுடன் தொடங்கியது. இந்நிலையில் பசும்பொன் தேவர் நினைவிடத்தில் இன்று (அக்.30) முதலமைச்சர் மு.க.ஸ்டாலின் பங்கேற்று, முத்துராமலிங்கத் தேவர் சிலைக்கு மாலை அணிவித்து மரியாதை செலுத்தினார்.

இதேபோல், அரசியல் கட்சி தலைவர்கள், நடிகர்கள் என பலரும் பசும்பென்னில் தேவர் சிலைக்கு மாலை அணிவித்து மரியாதை செலுத்தினர். இந்த நிலையில், தவெக அலுவலகத்தில் முத்துராமலிங்கத் தேவரின் உருவப்படத்திற்கு அக்கட்சியின் தலைவர் விஜய் மலர் தூவி மரியாதை செலுத்தினார் .

இது தொடர்பாக தவெக தலைவர் விஜய் எக்ஸ் தள பக்கத்தில் பதிவிட்டுள்ளதாவது:

"இந்தியத் திருநாட்டின் சுதந்திரத்திற்காகப் பாடுபட்ட பசும்பொன் முத்துராமலிங்கத் தேவரின் பிறந்தநாள் மற்றும் குருபூஜை தினத்தையொட்டி, எமது அலுவலகத்தில் அவரது திருவுருவப் படத்திற்கு மலர் தூவி மரியாதை செலுத்தினேன்."

இவ்வாறு தவெக தலைவர் விஜய் குறிப்பிட்டுள்ளார்.