வயநாட்டில் தொடர்ந்து அதிகரித்து வரும் உயிரிழப்புகள் - மீட்புப் பணிகளை துரிதப்படுத்த ராகுல் காந்தி வலியுறுத்தல்!
வயநாடு நிலச்சரிவில் சிக்கி உயிரிழந்தவர்களின் எண்ணிக்கை தொடர்ந்து அதிகரித்து வரும் நிலையில் மீட்புப் பணிகளை துரிதப்படுத்த ராகுல் காந்தி வலியுறுத்தியுள்ளார்.
கேரள மாநிலம் வயநாட்டில் கனமழையால் நள்ளிரவில் பயங்கர நிலச்சரிவு ஏற்பட்டுள்ளது. வயநாடு மாவட்டத்தில் உள்ள மேட்டுப்பட்டி, சூரல்மலை, முண்டகை ஆகிய பகுதிகளில் அடுத்தடுத்து நிலச்சரிவுகள் ஏற்பட்டுள்ளன.
இந்த நிலச்சரிவுகளில் சிக்கி இதுவரை 40க்கும் மேற்பட்டோர் உயிரிழந்துள்ள நிலையில் மேலும் உயிரிழப்பு அதிகரிக்க வாய்ப்புள்ளது. நிலச்சரிவில் 500 வீடுகளில் வசித்து வரும் சுமார் 400 குடும்பங்களைச் சேர்ந்த 1000 பேர் சிக்கியுள்ளதாக தகவல் வெளியாகியுள்ளது. இந்நிலையில் மீட்புக் குழுவினர் அப்பகுதிகளில் மீட்டுப்புப் பணிகளில் ஈடுபட்டுள்ளனர்.
இந்த நிலையில் வயநாடு மற்றும் ரேபரேலி என இரண்டு தொகுதிகளில் இருந்தும் மக்களவை உறுப்பினராக தேர்வு செய்யப்பட்ட எதிர்க்கட்சித் தலைவர் ராகுல் காந்தி நிலச்சரிவு குறித்து தனது எக்ஸ் பக்கத்தில் தெரிவித்துள்ளதாவது..
வயநாட்டிற்கு தேவையான அனைத்து உதவிகளையும் செய்யுமாறு மத்திய அமைச்சர்களிடம் பேசுவேன். வயநாட்டில் நிலச்சரிவு ஏற்பட்ட பகுதிகளில் மீட்புப் பணிகளை துரிதப்படுத்த வேண்டும்” என ராகுல் காந்தி தெரிவித்துள்ளார்.