வெற்றி துரைசாமியின் மறைவு... ‘விடாமுயற்சி’ அப்டேட்டை தள்ளிப்போட்ட அஜித்!
நடிகர் அஜித்குமாரின் ‘விடாமுயற்சி’ திரைப்படத்தின் அப்டேட் இன்று வெளியாகும் என எதிர்பார்க்கப்பட்ட நிலையில், அவரது நண்பர் வெற்றி துரைசாமியின் மறைவினால் திரைப்படத்தின் அப்டேட்டை அஜித் தள்ளிப்போட்டதாக தகவல் வெளியாகியுள்ளது.
சென்னை மாநகராட்சியின் முன்னாள் மேயர் சைதை துரைசாமியின் மகன் வெற்றி தனது உதவியாளர் கோபிநாத்துடன் இமாச்சலப்பிரதேசத்துக்கு சுற்றுலா சென்றார். அங்கு கடந்த 4-ந் தேதி அவர் சென்ற கார் மலைப்பகுதியில் கட்டுப்பாட்டை இழந்து சட்லஜ் நதியில் விழுந்தது. இந்த விபத்தில் கார் ஓட்டுநர் தஞ்ஜின் இறந்தார். மேலும், கோபிநாத் படுகாயங்களுடன் மீட்கப்பட்டார்.
அவரது உடல் சென்னை சிஐடி நகரில் உள்ள இல்லத்தில் பொதுமக்கள் அஞ்சலிக்காக வைக்கப்பட்டது. அஜித்தும், வெற்றி துரைசாமியும் நண்பர்கள் எனக் கூறப்படும் நிலையில், அவரது மறைவு அஜித்திற்கு மிகுந்த வேதனையை ஏற்படுத்தியதாக சொல்லப்படுகிறது. இதனையடுத்து, தாம்பரத்தை அடுத்த ராஜ கீழ்ப்பாக்கத்தில் உள்ள வெற்றியின் பண்ணை வீட்டிற்கு சென்ற அஜித்குமார், சைதை துரைசாமியின் குடும்பத்தினருக்கு ஆறுதல் கூறினார்.