3 ஆண்டுகளை நிறைவு செய்த 'மாநாடு'... நடிகர் #Simbu நெகிழ்ச்சி!

மாநாடு திரைப்படம் வெளியாகி 3 ஆண்டுகள் நிறைவடைந்த நிலையில் நடிகர் சிம்பு நெகிழ்ச்சி பதிவு ஒன்றை வெளியிட்டுள்ளார்.

இயக்குனர் வெங்கட் பிரபு இயக்கத்தில் நடிகர் சிம்பு நடிப்பில் கடந்த 2021ம் ஆண்டு வெளியான திரைப்படம் 'மாநாடு'. இப்படத்தில் சிம்புவுடன் கல்யாணி பிரியதர்ஷன், எஸ்.ஜே.சூர்யா, மனோஜ் பாரதிராஜா, பிரேம்ஜி, ஒய்.ஜி.மகேந்திரன் உள்ளிட்ட பலர் நடித்திருந்தனர். இந்த திரைப்படம் சிம்புவிற்கு கம்பேக் படமாக அமைந்தது.

இதையும் படியுங்கள் : #SchoolLeave | கனமழை எச்சரிக்கை எதிரொலி… நாகையில் நாளை பள்ளி கல்லூரிகளுக்கு விடுமுறை!

டைம் லூப் கதையம்சம் கொண்ட இந்தத் திரைப்படம் ரசிகர்கள் மத்தியில் விமர்சன ரீதியாகவும் வசூல் ரீதியாகவும் அமோக வரவேற்பை பெற்றது.இந்த படத்தில் சிம்பு மற்றும் எஸ்.ஜே.சூர்யாவின் நடிப்பு பெரிதும் பேசப்பட்டது. இந்த நிலையில் மாநாடு திரைப்படம் வெளியாகி இன்றுடன் 3 ஆண்டுகள் நிறைவடைந்துள்ளது.

இதனையடுத்து, நடிகர் சிம்பு நெகிழ்ச்சி பதிவு ஒன்றை வெளியிட்டுள்ளார். அதில், "மாநாடு திரைப்படம் வெளியாகி 3 வருடங்கள் ஆகிறது. இருப்பினும், எப்போதும் இல்லாத சிறந்த உணர்வை கொடுக்கிறது. இதற்கு காரணமாக இருந்த படக்குழுவுக்கும் ரசிகர்களுக்கும் நன்றி" என்று தெரிவித்துள்ளார்.