பொது முன்னுரை நூலினை வெளியிட்டார் முதலமைச்சர் மு.க.ஸ்டாலின்!

சென்னை தலைமை செயலகத்தில் தமிழ்நாடு முதலமைச்சர் மு.க.ஸ்டாலின் பல்வேறு நலத்திட்ட உதவிகளை தொடங்கி வைத்தார். தமிழ்நாடு தொழில் வளர்ச்சி சார்பில் 133 கோடி மதிப்பீட்டில் சேலம் மாவட்டம் - அரியகவுண்டம்பட்டியில் அடுக்குமாடி வெள்ளி கொலுக உற்பத்தி வளாகம், கோயம்புத்தூர் மாவட்டம் குறிச்சி சிட்கோ தொழிற்பேட்டையில் தொழிலாளர் தங்கும் விடுதி, திருவாரூர் மாவட்டம் - வண்டாம்பாளை, கடலூர் மாவட்டம் - காடாம்புலியூர், தூத்துக்குடி மாவட்டம் - லிங்கம்பட்டி,

சேலம் மாவட்டம் - உமையாள்புரம், காஞ்சிபுரம் மாவட்டம் - வையாவூர் ஆகிய இடங்களில் புதிய தொழிற்பேட்டைகள், சேலம் மாவட்டம் - தாதகாபட்டி, தூத்துக்குடி மாவட்டம் - கல்மேடு, கன்னியாகுமரி மாவட்டம் கோவளம் கோயம்பத்தூர் மாவட்டம் - வெள்ளலூர், ஈரோடு மாவட்டம் ஈரோடு சிட்கோ தொழிற்பேட்டை ஆகிய இடங்களில் புதிய பொது வசதி மையங்கள் உள்ளிட்டவற்றை முதலமைச்சர் மு.க.ஸ்டாலின் திறந்து வைத்தார்.

இதனை தொடர்ந்து, பட்டுவளர்ச்சித் துறையின் சார்பில் சிறந்த பட்டு நூற்பாளர்களுக்கு பரிசுத்தொகையாக 8 லட்சத்து 25 ஆயிரம் ரூபாய்க்கான காசோலைகளை முதலமைச்சர் மு.க.ஸ்டாலின் வழங்கினார். பள்ளிக் கல்வித் துறை சார்பில் தமிழ் - இந்தோ- ஐரோப்பிய மொழிகளின் வேர்ச்சொல் ஒப்பீட்டு அகராதித் திட்டத்தின் பொது முன்னுரை நூலினை முதலமைச்சர் மு.க.ஸ்டாலின் வெளியிட்டார்.