#Amaran திரைப்படக் குழுவினருக்கு முதலமைச்சர் மு.க.ஸ்டாலின் பாராட்டு!

நடிகர் சிவகார்த்திகேயனின் அமரன் திரைப்படத்தை பார்த்த முதலமைச்சர் மு.க.ஸ்டாலின் படக்குழுவினருக்கு பாராட்டு தெரிவித்தார்.

சிவகார்த்திகேயன் தனது 21வது படமாக கமல்ஹாசன் தயாரிப்பில் ராஜ்குமார் பெரியசாமி இயக்கத்தில் நடித்திருக்கிறார். அமரன் எனப் பெயரிடப்பட்டுள்ள இப்படம் மேஜர் முகுந்த் வரதராஜனின் வாழ்க்கை வரலாற்று உண்மை சம்பவத்தின் தழுவலாக உருவாகியுள்ளது.

இந்த திரைப்படம் தீபாவளியை முன்னிட்டு இன்று (31.10.2024) காலை திரையரங்குகளில் வெளியாகவுள்ள நிலையில், தமிழக முதல்வர் மு.க.ஸ்டாலினுக்கு சிறப்பு திரையிடல் செய்யப்பட்டது. திரைப்படத்தை பார்த்த முதல்வர் மு.க.ஸ்டாலின், படக்குழுவினருக்கு பாராட்டு தெரிவித்தார். இந்த சிறப்பு திரையிடலின்போது, துணை முதல்வர் உதயநிதி ஸ்டாலின், அமைச்சர் தங்கம் தென்னரசு, படத்தின் இயக்குநர் ராஜ்குமார் பெரியசாமி, நடிகர்கள் சிவகார்த்திகேயன், சாய் பல்லவி, இசையமைப்பாளர் ஜி.வி.பிரகாஷ் குமார் உள்ளிட்டோர் உடனிருந்தனர்.