சாரல் திருவிழா இன்று தொடங்குகிறது... மின்விளக்குகளால் ஜொலிக்கும் குற்றாலம்!
சாரல் திருவிழா இன்று தொடங்க உள்ள நிலையில் குற்றால அருவிகள் மின்விளக்குகளால் ஜொலிக்கின்றன.
தென்காசி மாவட்டத்தில் உள்ள முக்கிய சுற்றுலா தளங்களில் ஒன்றான குற்றாலத்தில்
ஆண்டு தோறும் ஜூன் முதல் ஆகஸ்ட் மாதம் வரை மழைக்கால சீசன் களைகட்டுவது
வழக்கம். அப்போது சுற்றுலா பயணிகள் இங்கு அதிகம் குவிவார்கள். அந்த வகையில் மழைக்கால சீசன் தொடங்கிய நிலையில், லட்சக்கணக்கான சுற்றுலா பயணிகள் குற்றாலம் அருவிக்கு வருகை தந்து அருவிகளில் ஆனந்த குளியலிட்டு வருகின்றனர்.
இந்த நிலையில், சீசன் காலகட்டங்களில் சுற்றுலா பயணிகளை கவரும் வகையில், தென்காசி மாவட்ட நிர்வாகம் சார்பில் சாரல் திருவிழா நடத்தப்படுவது வழக்கம்.
அந்த வகையில், இந்த வருடத்திற்கான சாரல் திருவிழா இன்று முதல் தொடங்க உள்ளளது. சாரல் திருவிழாவினை முன்னிட்டு மாவட்ட நிர்வாகம் சார்பில் பல்வேறு சிறப்பு முன்னேற்பாடுகள் செய்யப்பட்டு வருகின்றன.