ஷீனா போரா கொலை தொடர்பான ஆவணப்படத்திற்கு எதிரான வழக்கு! சிபிஐ அதிகரிகளுக்கு திரையிட மும்பை உயர்நீதிமன்றம் உத்தரவு!
ஷீனா போரா கொலை வழக்கு தொடர்பான ஆவணப்படமான ‘இந்திராணி முகர்ஜி பரிட் ட்ரூத்’ -ஐ சிபிஐ அதிகாரிகளுக்கு திரையிட்டு காண்பிக்க வேண்டும் என மும்பை உயர்நீதிமன்றம் உத்தரவிட்டுள்ளது.
பிரபல தனியார் தொலைக்காட்சியில் தலைமைப் பொறுப்பு வகித்த பீட்டர் முகர்ஜியின் மனைவி தான் இந்திராணி முகர்ஜி. மகாராஷ்டிராவைச் சேர்ந்த இவர் தனது முன்னாள் கணவர் மூலம் தனக்கு பிறந்த மகள் ஷீனா போராவை கொலை செய்ததாக 2015-ம் ஆண்டு மும்பை போலீஸாரால் கைது செய்யப்பட்டார். பீட்டர் முகர்ஜிக்கு அவரது முன்னாள் மனைவி மூலம் பிறந்த மகன் ராகுலை, ஷீனா முறை தவறி காதலித்ததால் இந்தக் கொலை நடந்ததாக கூறப்படுகிறது.
இந்நிலையில், நெட்பிளிக்ஸ் நிறுவனம் ஷீனா போரா கொலை வழக்கை ஆவணப்படமாக உருவாக்கியுள்ளது. ‘இந்திராணி முகர்ஜி பரிட் ட்ரூத்’ ( the indirani mukerjea story buried truth) எனப் பெயரிடப்பட்டுள்ள இந்த ஆவணப்படத்தை வரும் பிப். 23 ஆம் தேதி வெளியிட உள்ளதாக நெட்பிளிக்ஸ் அறிவித்திருந்தது.
இந்நிலையில், பிப்.29-ஆம் தேதி வரை இந்திராணி முகர்ஜி குறித்த ஆவணப்படத்தை வெளியிடமாட்டோம் என நெட்பிளிக்ஸ் நிறுவனம் மும்பை உயர்நீதிமன்றத்தில் உறுதி அளித்துள்ளது.