பிரேசில் வெள்ளப்பெருக்கு! 179 பேர் உயிரிழப்பு, 33 பேர் மாயம்!
பிரேசிலில் ஏற்பட்ட வெள்ளம் மற்றும் நிலச்சரிவில் சிக்கி இதுவரை 179 பேர் உயிரிழந்துள்ளதாக அந்நாட்டின் பாதுகாப்பு அமைச்சகம் தெரிவித்துள்ளது.
பிரேசிலின் தெற்கு மாகாணமான ரியோ கிராண்டி டு சுல் நகரில் கடந்த மே மாதம் முதல் பருவமழை கொட்டித்தீர்த்து வருகிறது. இதனால் நகரத்தின் பல பகுதிகளில் வெள்ளப்பெருக்கு மற்றும் நிலச்சரிவு ஏற்பட்டுள்ளது. இதன் காரணமாக 2.39 மில்லியனுக்கும் மேற்பட்ட மக்கள் பாதிக்கப்பட்டுள்ளதுடன் வெள்ளம் மற்றும் நிலச்சரிவில் சிக்கி 33 பேர் மாயமாகியுள்ளதாக தெரிவிக்கப்பட்டுள்ளது.
இந்த நிலையில், காணாமல் போனவர்களை தேடும் பணியில் தேசிய பேரிடர் மீட்புக்குழுவினர் ஈடுபட்டு வருகின்றனர். இதுகுறித்து அந்நாட்டு பாதுகாப்பு அமைச்சகம் தெரிவித்துள்ளதாவது;
ஆர்ஜெண்டினா மற்றும் உருகுவே எல்லையில் அமைந்துள்ள ரியோ கிராண்ட் டொ சுலிலின் விவசாய மற்றும் கால்நடை பண்ணைகளிலிருந்து 89 ஆயிரம் மக்கள் மற்றும் 15 ஆயிரம் விலங்குகள் ராணுவம் மற்றும் உள்ளூர் தன்னார்வலர்கள் உதவியால் மீட்கப்பட்டனர்” எனக் குறிப்பிடப்பட்டுள்ளது.