#BiggBoss8 | இந்த வாரம் வெளியேறிய போட்டியாளர் இவரா?

பிக் பாஸ் நிகழ்ச்சியில் இந்த வாரம் வெளியேற்றப்பட்ட போட்டியாளர் குறித்த தகவல் வெளியாகி உள்ளது.

பிக் பாஸ் சீசன் 8 நிகழ்ச்சி 5 வாரங்களை கடந்து விறுவிறுப்பாக சென்று கொண்டிருக்கிறது. பிக் பாஸ் வீட்டில் ஆண்கள், பெண்கள் அணிகளுக்கு இடையே கடும் போட்டி நிலவி வருகிறது. இதற்கிடையே, பார்வையாளர்களின் சுவாரசியத்தை அதிகரிக்கும் வகையில் கடந்த வாரம் வைல்டு கார்டு மூலம் 6 போட்டியாளர்கள் பிக் பாஸ் வீட்டுக்கு வந்தனர். மறைந்த நடிகர் திலகம் சிவாஜி கணேசனின் பேரன் சிவக்குமார், பட்டிமன்ற பேச்சாளர் மஞ்சரி, ராயன், ராணவ், நாகப்பிரியா, வர்ஷினி ஆகியோர் வைல்டு கார்டு போட்டியாளராக நுழைந்தனர்.

தற்போதைய நிலவரப்படி பிக் பாஸ் வீட்டிற்குள் 20 போட்டியாளர்கள் உள்ளனர். வார இறுதியில் போட்டியாளர்களில் ஒருவர் எலிமினேஷன் செய்யப்படுவர். கடந்த வாரங்களில் தயாரிப்பாளர் ரவீந்திரன், அர்ணவ், தர்ஷா குப்தா ஆகியோர் வெளியேற்றப்பட்டனர். இந்த நிலையில், இந்த வாரம் வெளியேற்றப்பட்ட போட்டியாளர் குறித்த தகவல் வெளியாகி உள்ளது.

கடந்த வாரம் யாரும் வெளியேறாத நிலையில், இந்த வாரம் நடனக் கலைஞர் சுனிதா வெளியேற்றப்பட்டதாக சொல்லப்படுகிறது. இந்த வாரம் நாமினேஷன் செய்யப்பட்ட போட்டியாளர்களில் சுனிதா குறைந்த வாக்குகளை வாங்கியதை அடுத்து, அவர் வெளியேறிவிட்டதாகவும் செய்திகள் வெளியாகி உள்ளன.