பயணிகளே கவனியுங்கள்! - நெல்லையிலிருந்து பெங்களூருக்கு தென்காசி வழியாக சிறப்பு ரயில்!

பயணிகள் கூட்ட நெரிசலைக் கருத்தில் கொண்டு, தெற்கு ரயில்வே திருநெல்வேலி-பெங்களூரு (சிவசோகா) இடையே சிறப்பு ரயில்களை இயக்கவுள்ளது. இந்த ரயில்கள் தென்காசி வழியாகச் செல்லும் என்பது குறிப்பிடத்தக்கது.

திருநெல்வேலியில் இருந்து புறப்படும் ரயில், ஆகஸ்ட் 17, ஞாயிற்றுக்கிழமை அன்று மாலை 4:20 மணிக்குக் கிளம்பி, மறுநாள் திங்கட்கிழமை மதியம் 12:30 மணிக்கு பெங்களூருவை வந்தடையும். இந்த ரயில் பாவூர்சத்திரம், தென்காசி, கடையநல்லூர், சங்கரன்கோவில், விருதுநகர் மற்றும் மதுரை வழியாகச் செல்லும்.

அதேபோல், பெங்களூருவில் இருந்து புறப்படும் ரயில், ஆகஸ்ட் 18, திங்கட்கிழமை அன்று மதியம் 2:15 மணிக்குக் கிளம்பி, செவ்வாய்க்கிழமை காலை 10:15 மணிக்கு திருநெல்வேலியை வந்தடையும். இந்த ரயில் மதுரை, விருதுநகர், சங்கரன்கோவில், கடையநல்லூர், தென்காசி மற்றும் பாவூர்சத்திரம் வழியாகப் பயணிக்கும்.

இந்தப் புதிய சிறப்பு ரயில்கள் தென்மாவட்டங்களில் இருந்து பெங்களூருக்குச் செல்லும் பயணிகளுக்குப் பெரிதும் உதவியாக இருக்கும் என எதிர்பார்க்கப்படுகிறது.