நாளைக்கு சிஎஸ்கே போட்டியை நேரில் பாக்க போறீங்களா?.. மாநகர பேருந்துகளில் இலவசமாக பயணிக்கலாம்!
சென்னை சேப்பாக்கத்தில் நாளை நடைபெற உள்ள ஐபிஎல் தொடரை காண செல்பவர்கள் தங்களது IPL கிரிக்கெட் போட்டிக்கான நுழைவுச் சீட்டை காண்பித்து மாநகர பேருந்துகளில் பயணம் மேற்கொள்ளலாம் என போக்குவரத்துக் கழகம் தெரிவித்துள்ளது.
இதுகுறித்து போக்குவரத்துக் கழகம் தெரிவித்துள்ளதாவது;
‘சென்னை, M. A. சிதம்பரம் விளையாட்டு மைதானத்தில் நாளை (மார்.26) நடைபெற உள்ள IPL2024 கிரிக்கெட் போட்டியை காணவரும் பார்வையாளர்கள், தங்களது IPL கிரிக்கெட் போட்டிக்கான நுழைவுச் சீட்டை காண்பித்து மாநகர பேருந்துகளில் பயணம் மேற்கொள்ளலாம். மேலும், மாநகர போக்குவரத்துக் கழகம், போட்டி முடிந்த பின்பும் சிறப்பு பேருந்துகள் இயக்கிட உள்ளது. போக்குவரத்து நெரிசலை குறைக்கும் விதமாகவும், கூட்ட நெரிசலை கட்டுப்படுத்தும் விதமாகவும், பொது போக்குவரத்து பயன்பாட்டினை அதிகரிக்கும் விதமாகவும் Chennai Super Kings Cricket Limited நிறுவனத்திடம் மா.போ.கழகம் உரிய பயண கட்டணம் பெற்றுக்கொண்டதன் அடிப்படையில் இந்த வசதியானது ஏற்படுத்தப்பட்டுள்ளது.