வெளியானது 'கல்கி 2898AD' திரைப்படத்தின் 2வது ட்ரெய்லர்! - இணையத்தில் வைரல்!
பிரபாஸ் நடிப்பில் உருவாகியுள்ள 'கல்கி 2898 ஏடி' படத்தின் இரண்டாவது டிரைலர் வெளியாகி கவனம் பெற்றுள்ளது.
பான் இந்திய அளவில் தற்போது பிரம்மாண்டமாக உருவாகியுள்ள படம் 'கல்கி 2898 ஏடி'. பிரபாஸ் நடிப்பில் தயாராகியுள்ள இப்படம் விரைவில் ரிலீஸ் ஆகவிருக்கிறது. இதற்கான ப்ரமோஷன் பணிகள் தற்போது முழு வீச்சில் நடந்து கொண்டிருக்கிறது. இந்நிலையில் 'கல்கி 2898 ஏடி' படத்தின் மிரட்டலான டிரெய்லர் ஒன்று வெளியாகி சோஷியல் மீடியாவில் பலரின் கவனத்தை ஈர்த்து வருகிறது.
தென்னிந்திய சினிமா ரசிகர்களை கீர்த்தி சுரேஷ் நடிப்பில் வெளியான 'நடிகையர் திலகம்' படத்தின் வாயிலாக கவர்ந்தவர் நாக் அஸ்வின். இவர் தற்போது 'கல்கி 2898 ஏடி' படத்தினை இயக்கியுள்ளார். பான் இந்திய படைப்பாக உருவாகியுள்ள இபட்டத்தில் பிரபாஸுடன் அமிதாப் பச்சன், திஷா பதானி, தீபிகா படுகோன் உள்ளிட்ட பலர் இணைந்து நடித்துள்ளனர்.
மேலும், உலக நாயகன் கமலும் 'கல்கி' படத்தில் முக்கியமான கதாபாத்திரம் ஒன்றில் நடித்திருக்கிறார். இந்நிலையில் விரைவில் ரிலீசாகவுள்ள இப்படத்தின் மிரட்டலான டிரெய்லர் ஒன்று வெளியாகி இணையத்தில் பலரின் கவனத்தை ஈர்த்து வருகிறது. அமிதாப் பச்சன், 'சமயம் வந்து விட்டது அந்த இறைவனின் உயிர் உங்கள் கருவில் உள்ளது' என தீபிகா படுகோனை நோக்கி பேசுவதை போன்று டிரெய்லர் ஆரம்பம் ஆகிறது.
பிரபாஸ் இன்ட்ரோ, அமிதாப் பச்சனுடன் அவர் மோதும் காட்சி என பல டிரெய்லரில் இடம்பெற்றுள்ளன. பிரம்மாண்ட செட்டுகள், கிராபிக்ஸ் காட்சிகள் என இந்த முன்னோட்ட் வீடியோவிலே பல ரசிகர்களை பெரிதும் கவர்ந்துள்ளன. அத்துடன் தீபிகா படுகோன், திஷா பதானி உள்ளிட்டோரும் இடையிடையில் டிரெய்லரில் தோன்றி கவனம் ஈர்த்துள்ளன. குறிப்பாக இந்த டிரெய்லரின் ஹைலைட்டாக கமல் அமைந்துள்ளார்.
உலக நாயகன் தான என யோசிக்கும் அளவுக்கு கமலின் கெட்டப் அமைந்துள்ளது. ஏலியன் லுக்கில் இதுவரை பார்க்காத கெட்டப்பில் மெர்சல் காட்டியுள்ளார். இதனை சோஷியல் மீடியாவில் டிரெண்ட் செய்து வருகின்றனர் ரசிகர்கள். 'கல்கி 2898 ஏடி' படம் மூன்று விதமான காலக்கட்டத்தில் நடப்பதை போன்று படமாக்கப்பட்டுள்ளது. இதற்காக படக்குழுவினர் கடுமையாக உழைத்துள்ளனர். இது டிரெய்லரிலே தெளிவாக தெரிகிறது.