ரீ-ரிலீஸாகிறது விஜயின் 'காவலன்' திரைப்படம்

தமிழ் சினிமாவின் முன்னணி நடிகரக வலம் வருபவர் நடிகர் விஜய். கடந்த 2011 ஆம் ஆண்டு இவர் நடிப்பில் "காவலன்" திரைப்படம் வெளியானது. இப்படத்தில் விஜய்க்கு ஜோடியாக அசின் நடித்திருந்தார். மேலும் இப்படத்தில் ராஜ்கிரண், மித்ரா குரியன், வடிவேலு மற்றும் ரோஜா ஆகியோர் நடித்து இருந்தனர்.

2010-ம் ஆண்டு மலையாளத்தில் வெளியான 'பாடி கார்டின்' ரீமேக் படமாக வெளியான இப்படத்தை இயக்குநர் சித்திக் இயக்கி இருந்தார். இந்த நிலையில் 'காவலன்' திரைப்படம் வருகிற 5-ந்தேதி ரீ ரிலீஸ் செய்யப்பட உள்ளதாக அறிவிக்கப்பட்டுள்ளது. இதனை படக்குழு போஸ்டர் வெளியிட்டு தெரிவித்துள்ளது.

அண்மையில் நடிகர் விஜயின், ’கில்லி’,'சச்சின்', 'ப்ரண்ட்ஸ்' ஆகிய படங்கள் ரீரிலீஸ் செய்யப்பட்ட நிலையில் 'காவலன்' படம் மீண்டும் வெளியாக உள்ளதாக அறிவிக்கப்பட்டுள்ளது விஜய் ரசிர்களை மகிழ்ச்சியில் ஆழ்த்தியுள்ளது.