Homeமுக்கியச் செய்திகள்தேர்தல் 2024இந்தியாதமிழ்நாடுஉலகம்விளையாட்டுசினிமாகுற்றம்கட்டுரைகள்பக்தி
Advertisement

கோவையில் 13 வீடுகளில் கொள்ளை - 3 பேரை சுட்டுப்பிடித்த போலீசார்!

கோவையில் 13 வீடுகளில் கொள்ளை சம்பவத்தில் ஈடுபட்ட 3 பேரை போலீசார் துப்பாக்கியால் சுட்டு பிடித்துள்ளனர்.
11:54 AM Nov 29, 2025 IST | Web Editor
கோவையில் 13 வீடுகளில் கொள்ளை சம்பவத்தில் ஈடுபட்ட 3 பேரை போலீசார் துப்பாக்கியால் சுட்டு பிடித்துள்ளனர்.
Advertisement

கோவை-மேட்டுப்பாளையம் சாலை கவுண்டம்பாளையத்தில் தமிழ்நாடு வீட்டு வசதி வாரியத்தால் கட்டப்பட்டுள்ள ஹவுசிங் யூனிட்டில் 1,800 குடும்பங்கள் வசித்து வருகின்றனர். இதனிடையே 14 மாடிகளை கொண்ட இந்த குடியிருப்பில் நேற்று மர்மநபர்கள் நுழைந்து குடியிருப்பில் பூட்டி இருந்த வீடுகளை குறி வைத்து கொள்ளை சம்பவத்தில் ஈடுபட்டுள்ளனர். முதலில் ஒரு வீட்டில் குடியிருப்பவர்கள் தங்களது வீட்டில் இருந்த நகை, பணத்தை மர்ம நபர்கள் கொள்ளையடித்து சென்று விட்டதாக கவுண்டம்பாளையம் போலீஸ் நிலையத்தில் அளித்த புகாரின் பேரில் போலீசார் விசாரணை நடத்தி வந்தனர்.

Advertisement

விசாரணையில் கவுண்டம்பாளையம் ஹவுசிங் யூனிட்டில் உள்ள 13 வீடுகளில் கொள்ளை சம்பவத்தை மர்மநபர்கள் அரங்கேற்றியுள்ளனர். இதுவரை 13 வீடுகளில் இருந்து 56 பவுன் நகை மற்றும் ரூ.3 லட்சம் ரொக்கப்பணம், வெள்ளி நகைகளும் கொள்ளையடிக்கப்பட்டது தெரியவந்துள்ளது. இதையடுத்து போலீசார் மோப்பநாய் வரவழைக்கப்பட்டதுடன், தடயவியல் நிபுணர்களும் வரவழைக்கப்பட்டு, அங்கிருந்த கைரேகைகளை சேகரிக்கும் பணியில் ஈடுபட்டனர்.

இந்த சம்பவத்தில் ஈடுபட்ட நபர்களை பிடிக்க மூன்று இன்ஸ்பெக்டர்கள் தலைமையில், 3 தனிப்படைகள் அமைக்கப்பட்டது. தனிப்படையினர் பல்வேறு கோணங்களில் விசாரணை நடத்தி கொள்ளையர்களை தேடி வந்தனர். இந்த நிலையில் கோவை குனியமுத்தூர் அடுத்த குளத்துப்பாளையத்தில் கொள்ளை சம்பவத்தில் ஈடுபட்ட 3 பேரை போலீசார் சுட்டுபிடித்தனர். அவர்கள் கோவை அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனர். சிசிடிவி காட்சிகளின் அடிப்படையில் கொள்ளையில் ஈடுபட்ட நபர்கள் கண்டறிப்பட்டதாகவும், காவல் துறையினரை பார்த்ததும் மூவரும் தப்பிக்க முற்பட்டதால் சுட்டுப் பிடித்ததாக காவல்துறையினர் முதற்கட்ட தகவல் வெளியாகியுள்ளது.

Tags :
13 housesArrestCoimbatorePolice shootPoliceInvestigationRobbery
Advertisement
Next Article